മയാമി: വന്‍ പ്രഹരശേഷിയുമായി ഇര്‍മ ചുഴലിക്കാറ്റ് ഫ്ലോറിഡയില്‍ നാശം വിതക്കുന്നു.ഇതുവരെ ഫ്ലോറിഡയില്‍നിന്ന് 63 ലക്ഷം പേരെ ഒഴിപ്പിച്ചതായി അധികൃതര്‍ പറഞ്ഞു.ഞായറാഴ്ച രാവിലെ ഏഴുമണിക്കാണ് മണിക്കൂറില്‍ 209 കിലോമീറ്റര്‍ വേഗത്തിലുള്ള കാറ്റ് ഫ്ലോറിഡയിലെത്തിയത്. ഇര്‍മ മയാമിയില്‍ കരതൊടുമെന്നാണ് പ്രതീക്ഷിച്ചിരുന്നത്. എന്നാല്‍ കാറ്റിന്‍റെ ഗതിയില്‍ അപ്രതീക്ഷിത മാറ്റമുണ്ടായി ചുഴലിയുടെ കേന്ദ്രം ഫ്ലോറിഡയിലെ കീയിലേക്ക് മാറിയത് ഒഴിപ്പിക്കല്‍ നടപടിയെയും മറ്റ് മുന്‍കരുതലുകളെയും ബാധിച്ചിട്ടുണ്ടെന്ന് നാഷണല്‍ ഹറികെയ്ന്‍ സെന്‍റര്‍ (എന്‍.എച്ച്‌.സി.) പറഞ്ഞു.അതിനിടെ, കരീബിയന്‍ ദ്വീപുകളില്‍ ഇര്‍മയെത്തുടര്‍ന്ന് മരിച്ചവരുടെ എണ്ണം 25 ആയി. […]
