തിരുവനന്തപുരം: ആറ്റിങ്ങല് മടവൂര് ആശാനിവാസില് റേഡിയോ ജോക്കി രാജേഷ് കുമാറിനെ കൊലപ്പെടുത്തിയ കേസിലെ മുഖ്യപ്രതി അലിഭായ് വിദേശത്തേക്ക് കടന്നതായി റിപ്പോര്ട്ട്.
അലിഭായ് എന്ന പേരിലറിയപ്പെടുന്ന പ്രതിയ്ക്കായി കഴിഞ്ഞ ദിവസം പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. എന്നാല് ഇയാള് മൂന്നുദിവസം മുന്പേ തന്നെ കടല് കടന്നതായാണ് റിപ്പോര്ട്ട്. അതേസമയം കൊലപാതകത്തില് പങ്കാളിയായ അപ്പുണിയെയും കണ്ടെത്താന് കഴിയാത്തത് അന്വേഷണ സംഘത്തെ കുഴക്കുകയാണ്. രാജേഷുമായി ബന്ധമുളള സ്ത്രീയും നിരീക്ഷണത്തിലാണ്.
രാജേഷ് കുമാറിനെ കൊലപ്പെടുത്തിയ കേസില് മൂന്ന് പേരെ അറസ്റ്റ് ചെയ്തിരുന്നു. അറസ്റ്റിലായവര് കൊലയാളികള്ക്ക് വാഹന സൗകര്യം ഏര്പ്പാടാക്കിയവരാണെന്നും പൊലീസ് വ്യക്തമാക്കിയിരുന്നു.
നാലംഗ ക്വട്ടേഷന് സംഘമാണ് കൊലനടത്തിയതെന്നാണ് പൊലീസിന്റെ പ്രാഥമിക നിഗമനം. കൊല്ലപ്പെടുന്ന സമയത്ത് രാജേഷുമായി ഫോണില് സംസാരിച്ചിരുന്ന ദോഹയിലെ സ്ത്രീയുടെ ഭര്ത്താവുമായി അടുപ്പമുളളവരാണ് ഇവര്. മാസങ്ങള് നീണ്ട ആസൂത്രണത്തിന് ശേഷമാണ് കൊലയെന്നും പൊലീസ് വിലയിരുത്തുന്നു.