തിരുവനന്തപുരം: ശബരിമലയില് പ്രവേശിക്കുന്നതില് നിന്ന് സ്ത്രീകളെ തടയാന് സാധിക്കില്ലെന്ന് ദേവസ്വം മന്ത്രി കടകംപള്ളി സുരേന്ദ്രന്. സാമൂഹിക മാറ്റങ്ങളുണ്ടായപ്പോഴെല്ലാം ഇത്തരം എതിര്പ്പുകള് ഉയര്ന്നുവന്നിട്ടുള്ളതാണ്. ആരുമായും ചര്ച്ചയ്ക്കു തയാറാണ്. പക്ഷേ ഭരണഘടനാ ബാധ്യത ആരും വിസ്മരിക്കരുതെന്നും കടകംപള്ളി പറഞ്ഞു.
സുപ്രീംകോടതി വിധി അനുസരിക്കുക മാത്രമാണു സര്ക്കാര് ചെയ്തത്. സര്ക്കാരിനെതിരെ സമരം നടത്തിയിട്ടോ പുലഭ്യം പറഞ്ഞിട്ടോ കാര്യമില്ല. വിശ്വാസികളുടെ വികാരത്തെ ബഹുമാനിക്കുന്നുണ്ട്. ഇത്തരം വിഷയത്തില് എതിര്പ്പു സ്വാഭാവികമാണെന്നും മന്ത്രി പറഞ്ഞു. വിധിക്കെതിരെ കോടതിയെ സമീപിച്ച എന്എസ്എസ് നിലപാടാണ് ശരി. അല്ലാതെ തെരുവിലിറങ്ങി സമരം ചെയ്യലല്ലെന്നും കടകംപള്ളി വ്യക്തമാക്കി.
ശബരിമല വിഷയത്തില് വിധി നേടിയെടുത്തത് ആര്എസ്എസ്സിന്റെ വനിതാ വിഭാഗമാണ്. 12 വര്ഷം ഇതിനായി കേസ് നടത്തിയത് അമിത് ഷായോട് അടുപ്പമുള്ള വനിതാ നേതാക്കളാണ്. അനുകൂല വിധി സമ്പാദിച്ചശേഷം ജനങ്ങളെ തെരുവിലിറക്കുന്നതും അക്രമം അഴിച്ചുവിടുന്നതും ശരിയല്ല. വിധിക്കെതിരെ നിയമം കൊണ്ടുവരാന് കേന്ദ്രത്തോട് ആവശ്യപ്പെടേണ്ടത് ബിജെപിയാണെന്നും കടകംപള്ളി പറഞ്ഞു.