അഹമ്മദാബാദ്:ഗോധ്ര കൂട്ടക്കൊല കേസില്‍ വിചാരണ കോടതി വധശിക്ഷയ്ക്ക് വിധിച്ച 11 പേരുടെ ശിക്ഷ, ഗുജറാത്ത് ഹൈക്കോടതി ജീവപര്യന്തമാക്കി. സംഭവത്തില്‍ വിചാരണ കഴിഞ്ഞ് ഇരുപത്തിയൊമ്പത് മാസത്തിന് ശേഷമാണ് വിധി വരുന്നത്.
ശിക്ഷയ്ക്കെതിരെ പ്രതികളും, 63 പേരേ വെറുതെ വിട്ടതിന് എതിരെ സംസ്ഥാന സര്‍ക്കാരും നല്‍കിയ ഹര്‍ജികളിലാണ് ഗുജറാത്ത് ഹൈക്കോടതി ഇന്ന് വിധി പ്രസ്താവിച്ചത്. കലാപത്തില്‍ കൊല്ലപ്പെട്ടവരുടെ ബന്ധുക്കള്‍ക്ക് പത്ത് ലക്ഷം രൂപ വീതം സംസ്ഥാന സര്‍ക്കാര്‍ നല്‍കണമെന്നും ഹൈക്കോടതി വിധിച്ചിട്ടുണ്ട്.
2002 ലാണ് അയോധ്യയില്‍ നിന്ന് മടങ്ങുയായിരുന്ന സബര്‍മതി എക്സ്പ്രസ്സിന്‍റെ എസ് 6 ബോഗി അഗ്നിക്കിരയാക്കിയത് . കര്‍സേവകരടക്കമുള്ള 59 പേരാണ് കൊല്ലപ്പെട്ടത്. കേസില്‍ 94 പ്രതികളാണ് ഉണ്ടായിരുന്നത്. ഇതില്‍ 63 പേരെ 2011ല്‍ വിചാരണ കോടതി വെറുതെ വിട്ടിരുന്നു.
