ന്യൂഡല്ഹി:ദീപാവലി ആഘോഷങ്ങളോടനുബന്ധിച്ച് ഡല്ഹിയില് പടക്കവില്പന നടത്തുന്നതിന് സുപ്രീം കോടതി നിരോധനമേര്പ്പെടുത്തി. നവംബര് ഒന്ന് വരെയാണ് നിരോധനം. അന്തരീക്ഷ മലിനീകരണം മൂലമാണ് പടക്കത്തിന് നിരോധനം ഏര്പ്പെടുത്തിയത്.
കഴിഞ്ഞ വര്ഷം ദീപാവലി ആഘോഷങ്ങളെ തുടര്ന്ന് ഡല്ഹിയില് വിമാനസര്വീസ് ഉള്പ്പെടെയുള്ള ഗതാഗതം സ്തംഭിച്ചതിനാല് പടക്ക വില്പ്പനയില് നിരോധനമേര്പ്പെടുത്തിയിരുന്നു. എന്നാല് ഈ ദീപാവലിക്ക് നിരോധനം പുന:സ്ഥാപിക്കണമെന്നാവശ്യപ്പെട്ട് ഡല്ഹിയില് നിന്നുള്ള മൂന്ന് വിദ്യാര്ഥികള് സുപ്രീം കോടതിയെ സമീപിച്ചിരുന്നു . കേന്ദ്ര മലിനീകരണനിയന്ത്രണ ബോര്ഡും പരാതിയില് കക്ഷി ചേര്ന്നു.
എന്നാല് പടക്ക വില്പനയ്ക്ക് ഏര്പ്പെടുത്തിയ നിരോധനം നവംബര് വരെ നിലനില്ക്കുമെന്ന് സുപ്രീം കോടതി വ്യക്തമാക്കി.