Category:

ലക്ഷദ്വീപ് ജനതയ്ക്ക് പിന്തുണയറിയിച്ച്‌ സംയുക്ത ട്രേഡ് യൂണിയന്‍ സംസ്ഥാന വ്യാപകമായി ഐകദാര്‍ഢ്യ സംഗമങ്ങള്‍ സംഘടിപ്പിച്ചു. കൊച്ചിയിലേയും കോഴിക്കോട്ടേയും ലക്ഷദ്വീപ് അഡ്മിനിസ്ട്രേഷന്‍ ഓഫീസുകള്‍ക്ക് മുമ്ബിലും കേന്ദ്രസര്‍ക്കാര്‍ ഓഫീസുകള്‍ക്കുമുമ്ബിലുമാണ് പരിപാടികള്‍ നടന്നത്. കോഴിക്കോട് എളമരം കരീം എം പി സംഗമം ഉദ്ഘാടനം ചെയ്തു. ലക്ഷദ്വീപില്‍ കേന്ദ്ര സര്‍ക്കാര്‍ നടപ്പാക്കുന്നത് ഭരണഘടനാവിരുദ്ധവും, ജനാധിപത്യവിരുദ്ധവുമായ നയങ്ങളാണെന്ന് അദ്ദേഹം പറഞ്ഞു. ലക്ഷദ്വീപ് നിവാസികളുടെ ആവാസ വ്യവസ്ഥയെ തകര്‍ക്കുന്ന അഡ്മിനിസ്‌ട്രേറ്ററുടെ മനുഷ്യത്വരഹിതമായ നടപടികള്‍ക്കെതിരെ ധര്‍ണയില്‍ പ്രതിഷേധമുയര്‍ന്നു. കോര്‍പ്പറേറ്റുകള്‍ക്ക് ദ്വീപ് തീറെഴുതുന്ന നയത്തിനെതിരെ ശബ്ദമുയര്‍ത്തുന്ന ദ്വീപ് നിവാസികളോട് സംയുക്ത […]

വാഷിങ്ടണ്‍: ഭാരത് ബയോടെക്കിന്റെ കോവിഡ് വാക്‌സിനായ കോവാക്‌സിന് യുഎസില്‍ അടിയന്തര വിതരണത്തിന് അനുമതിയില്ല. കോവാക്‌സിന്റെ വിതരണപങ്കാളിയായ ഓക്യുജന്നിനോട് വാക്‌സിനെ സംബന്ധിച്ച കൂടുതല്‍ വിവരങ്ങള്‍ സമര്‍പ്പിക്കാന്‍ യുഎസ് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ നിര്‍ദേശിച്ചു. വാക്‌സിന്‍ വിതരണത്തിനായി ബയോളജിക്‌സ് ലൈസന്‍സ് ആപ്ലിക്കേഷന്‍(ബിഎല്‍എ) നേടാനുള്ള നടപടികള്‍ ആരംഭിക്കുമുന്ന് ഓക്യുജന്‍ അറിയിച്ചു. അടിയന്തര വിതരണത്തിനായുള്ള അപേക്ഷയാണ് സമര്‍പ്പിച്ചതെന്നും പൂര്‍ണ ഉപയോഗാനുമതിക്കുള്ള അപേക്ഷ നല്‍കാനാണ് എഫ്ഡിഎ നിര്‍ദേശിച്ചതെന്ന് ഓക്യുജന്‍ അറിയിച്ചു. വാക്‌സിന്റെ കൂടുതല്‍ വിവരങ്ങള്‍ സംബന്ധിച്ച്‌ ഓക്യൂജന്‍ എഫിഡിഎയുമായി ചര്‍ച്ചകള്‍ നടത്തുന്നുണ്ട്. -‘ഒറ്റുകാര്‍ ഒറ്റപ്പെടും, […]

ന്യൂഡല്‍ഹി : വിവിധ മന്ത്രാലയങ്ങള്‍ കോവിഡ് കാലത്ത് നടത്തിയ പ്രവര്‍ത്തനങ്ങള്‍ വിലയിരുത്തി പ്രധാനമന്ത്രി നരേന്ദ്ര മോദി. പ്രധാനമന്ത്രിയുടെ വസതിയില്‍ വ്യാഴാഴ്ച വൈകിട്ട് അഞ്ചിനു തുടങ്ങിയ അവലോകന യോഗം രാത്രി 10 വരെ നീണ്ടു. പുതിയ ജനപ്രിയ പദ്ധതികള്‍ നടപ്പാക്കുന്നതിനെക്കുറിച്ചും പ്രവര്‍ത്തനങ്ങള്‍ മെച്ചപ്പെടുത്തുന്നതിനെ കുറിച്ചുമായിരുന്നു പ്രധാന ചര്‍ച്ച. 18 വയസിനു മുകളില്‍ പ്രായമുള്ളവര്‍ക്ക് ജൂണ്‍ 21 മുതല്‍ സൗജന്യമായി വാക്‌സീന്‍ നല്‍കുമെന്നു പ്രധാനമന്ത്രി പ്രഖ്യാപിച്ചതിനു പിന്നാലെയാണ് അവലോകനയോഗം ചേര്‍ന്നത്. കോവിഡ് കാലത്ത് ഈ മന്ത്രാലയങ്ങള്‍ക്കു നടപ്പാക്കാന്‍ കഴിയുന്ന പുതിയ പദ്ധതികളെക്കുറിച്ചും […]

കൊച്ചി: കൊവിഡിന്റെ രണ്ടാംവ്യാപനത്തില്‍ മലയാള സിനിമാ വ്യവസായം വീണ്ടും പ്രതിസന്ധിയിലൂടെ കടന്നുപോകുകയാണ്. മേയ് 13ന് തിയേറ്ററില്‍ പുറത്തിറക്കുമെന്ന് ഉറപ്പിച്ചിരുന്ന ഫഹദ് ഫാസില്‍ നായകനാകുന്ന ബിഗ് ബഡ്‌ജറ്റ് ചിത്രം മാലിക് ഒ.ടി.ടി പ്രദര്‍ശനത്തിനൊരുങ്ങുന്നു എന്ന വാര്‍ത്തയാണ് ഒടുവില്‍ പുറത്തുവരുന്നത്. ഒ.ടി.ടി റിലീസിലേക്ക് നയിച്ച സാഹചര്യം വ്യക്തമാക്കി കേരള ഫിലിം എക്സിബിറ്റേഴ്സ് ഫെഡറേഷന് ചിത്രത്തിന്റെ നിര്‍മ്മാതാവ് ആന്റോ ജോസഫ് കഴിഞ്ഞ ദിവസം കത്ത് നല്‍കി. 30 കോടിയോളം മുടക്കി നിര്‍മ്മിച്ച മാലിക് ഒ.ടി.ടി പ്ലാറ്റ്ഫോമായ ആമസോണ്‍ പ്രൈം 22 കോടി […]

ചേര്‍ത്തല : കുളിക്കുന്നതിനിടെ കുളിമുറിയില്‍ വീണ് തലയ്ക്ക് ഗുരുതരമായി പരിക്കേറ്റ വിദ്യാര്‍ഥിനി മരിച്ചു. ഡ്രീം ലാന്‍ഡ്​ ട്രാവല്‍ ഏജന്‍സി ഉടമയായ മായിത്തറ കൃഷ്ണ വീട്ടില്‍ സിറാജിന്‍റെയും, ഷൈമോളുടെയും ഏകമകള്‍ ദേവിക പാര്‍വ്വതി (20) ആണ് മരിച്ചത്.പാരാമെഡിക്കല്‍ വിദ്യാര്‍ഥിനിയാണ് . ഒരാഴ്ച മുന്‍പാണ് കുളിമുറിയില്‍ തെന്നി വീണ് വാഷ് ബെയ്സിനില്‍ തലയിടിച്ചത് .തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ ചികിത്സയിലിരിക്കെ കഴിഞ്ഞദിവസം രാത്രിയാണ് മരിച്ചത്.

കോവിഡ് ദുരിതത്തില്‍ പ്രതിസന്ധിയിലായ നിരവധി പേര്‍ക്ക് താങ്ങായ ബോളിവുഡ് താരമാണ് സോനു സൂദ്. രാജ്യത്ത് ഓക്‌സിജന്‍ ക്ഷാമം തുടരുന്ന സാഹചര്യത്തില്‍ ഓക്‌സിജന്‍ പ്ലാന്റുകള്‍ സ്ഥാപിക്കാനുള്ള പ്രവര്‍ത്തനങ്ങളിലാണ് നിലവില്‍ സോനു സൂദ് ഫൗണ്ടേഷന്‍ തയ്യാറെടുപ്പ് നടത്തുന്നത് . ക്രിപ്‌റ്റോ റിലീഫിന്റെ സഹായത്തോടെയാണ് സോനു സൂദ് ഫൗണ്ടേഷന്‍ പ്ലാന്റുകള്‍ സ്ഥാപിക്കുക. 18 ഓക്‌സിജന്‍ പ്ലാന്റുകളാണ് സോനു സൂദ് ഇന്ത്യയിലെ വിവിധ സംസ്ഥാനങ്ങളിലായി സ്ഥാപിക്കാന്‍ പോകുന്നത്. ആന്ധ്രയിലെ കുര്‍നൂല്‍, നെല്ലൂര്‍ എന്നീ പ്രദേശങ്ങളില്‍ ഓക്‌സിജന്‍ പ്ലാന്റുകള്‍ സ്ഥാപിക്കുമെന്ന് സോനുസൂദ് നേരത്തേ ഉറപ്പുനല്‍കിയിരുന്നു. […]

ലിസ്ബണ്‍: നീണ്ടകാലം പരിക്കിന്റെ പിടിയിലായിരുന്ന ഇന്ത്യന്‍ ജാവലിന്‍ താരം നീരജ് ചോപ്ര തന്റെ തിരിച്ചുവരവില്‍ തന്നെ സ്വര്‍ണം നേടി വിസ്മയിപ്പിച്ചു. പരിക്കല്‍ നിന്ന് മുക്തനായ ശേഷമുള്ള തന്റെ ആദ്യ അന്താരാഷ്ട്ര മീറ്റില്‍ പങ്കെടുത്ത നീരജിന് പക്ഷേ 83.18 മീറ്റര്‍ ദൂരം മാത്രമേ ജാവലിന്‍ പായിക്കാന്‍ സാധിച്ചിരുന്നുള്ളു . 88.07 മീറ്റര്‍ വരെ ഇതിനു മുമ്ബ് എറിഞ്ഞിട്ടുള്ള നീരജ് 87.86 ദൂരം എറിഞ്ഞാണ് ഒളിമ്ബിക്സിന് ഇപ്പോള്‍ യോഗ്യത കൈവരിച്ചിരിക്കുന്നത്.ഇപ്പോള്‍ ഒളിമ്ബിക്സ് മത്സരങ്ങള്‍ക്കുള്ള തയ്യാറെടുപ്പിനു വേണ്ടി യൂറോപ്പില്‍ പരിശീലനത്തിലാണ് നീരജ് […]

ന്യൂഡല്‍ഹി: പ്രധാനപ്പെട്ട ചില വകുപ്പുകള്‍ കൈകാര്യം ചെയ്യുന്ന മന്ത്രിമാരുമായി മണിക്കൂറുകള്‍ നീണ്ട കൂടിയാലോചനകള്‍ നടത്തി പ്രധാനമന്ത്രി നരേന്ദ്രമോദി. ഒപ്പം ബിജെപി ദേശീയ അദ്ധ്യക്ഷന്‍ ജെ.പി നദ്ദയുമുണ്ടായിരുന്നു. പ്രധാനമന്ത്രിയുടെ വസതിയായ 7 ലോക് കല്യാണ്‍ മാ‌ര്‍ഗില്‍ വൈകുന്നേരം അഞ്ച് മണിക്ക് ആരംഭിച്ച യോഗം സമാപിച്ചത് രാത്രി 10 മണിക്കാണ്. രാജ്യം നേരിടുന്ന കൊവിഡ് ഉള്‍പ്പടെ സാഹചര്യങ്ങള്‍ അവലോകനം ചെയ്‌തതിനൊപ്പം പ്രധാനമായും മന്ത്രിസഭാ പുനസംഘടനയും ചര്‍ച്ചാ വിഷയമായി എന്നാണ് വിവരം. ഇതിന്റെ ഭാഗമായി പെട്രോളിയം,​ സ്‌റ്റീല്‍,​ ജലശക്തി മന്ത്രാലയം,​ നൈപുണ്യശേഷി […]

ന്യൂഡല്‍ഹി: വിവാദമായ കടല്‍ക്കൊല കേസില്‍ ഇറ്റാലിയന്‍ നാവികര്‍ക്കെതിരായ കേസ് നടപടികള്‍ സുപ്രീം കോടതി അവസാനിപ്പിക്കാന്‍ തീരുമാനിച്ചു. ഇതുസംബന്ധിച്ച ഉത്തരവ് കോടതി വരുന്ന ചൊവ്വാഴ്‌ച പുറപ്പെടുവിക്കും. കടല്‍ക്കൊലയിലെ ഇരകള്‍ക്ക് നഷ്‌ടപരിഹാരം അടക്കമുള്ള കാര്യങ്ങളില്‍ സംസ്ഥാന സ‍ര്‍ക്കാരിന് തീരുമാനമെടുക്കാമെന്ന് കേന്ദ്രസ‍ര്‍ക്കാര്‍ ഇന്ന് കോടതിയെ അറിയിച്ചു. നാവികര്‍ക്കെതിരെയുള്ള നടപടികള്‍ ഇറ്റലി സ്വീകരിക്കുമെന്നാണ് കേന്ദ്രസ‍ര്‍ക്കാര്‍ അറിയിച്ചിരിക്കുന്നത്. നാവികര്‍ക്കെതിരായ കേസിന്‍റെ നടപടികള്‍ അവസാനിപ്പാക്കാമെന്ന് സുപ്രീംകോടതി ഇതോടെ നിലപാടെടുക്കുകയായിരുന്നു. നഷ്‌ടപരിഹാര തുക വിതരണം ചെയ്യുന്നതിനായി ഹൈക്കോടതിയെ ചുമതലപ്പെടുത്താമെന്നും കോടതി പറഞ്ഞു. കടല്‍ക്കൊല കേസില്‍ ബോട്ടിലുണ്ടായിരുന്ന എല്ലാവര്‍ക്കും […]