ന്യൂഡല്ഹി: യുപിഎ സര്ക്കാരിനെ പിടിച്ചുകുലുക്കിയ ടുജി അഴിമതിക്കേസില് രാജയും കനിമൊഴിയും ഉള്പ്പെട്ടെ എല്ലാ പ്രതികളെയും കോടതി വെറുതേ വിട്ടു.
മുന് ടെലികോം മന്ത്രിയും ഡി.എം.കെ നേതാവുമായ എ. രാജ, കരുണാനിധിയുടെ മകളും രാജ്യസഭ എം.പിയുമായ കനിമൊഴി, മുന് ടെലികോം സെക്രട്ടറി സിദ്ധാര്ഥ ബറുവ, ബോളിവുഡ് നിര്മാതാവ് കരീം മൊറാനി, വ്യവസായി ഷാഹിദ് ബല്വ, അനില് അംബാനിയുടെ റിലയന്സ് ഗ്രൂപ്പിന്റെ മുന് മാനേജിങ് ഡയറക്ടര് ഗൗതം ഡോഷി തുടങ്ങിയവരെയാണ് വെറുതെ വിട്ടത്.
2011 നവംബര് 11ന് ആരംഭിച്ച വിചാരണ 2017ഏപ്രില് 19നാണ് അവസാനിച്ചത്. മൊബൈല് ഫോണ് കമ്പനികള്ക്ക് സ്പെക്ട്രം അനുവദിച്ചതില് ഒരുലക്ഷത്തിലധികം കോടിയുടെ അഴിമതി നടന്നെന്ന സി എ ജി വിനോദ് റായിയുടെ റിപ്പോര്ട്ടാണ് വിവാദങ്ങള്ക്ക് വഴിവെച്ചത്. എന്നാല്, 122 ടുജി സ്പെക്ട്രം ലൈസന്സുകള് അനുവദിച്ചതില് 30,988 കോടി രൂപയുടെ നഷ്ടം ഖജനാവിനുണ്ടായെന്നാണ് സിബിഐ കേസ്.