വാഷിംഗ്ടണ്‍: കൊറോണ വൈറസിനെ തുരത്താനുള്ള വാക്സിന് പരീക്ഷണത്തിന്റെ വിശദാംശങ്ങള്‍ പുറത്തുവിട്ട് അമേരിക്ക. വാക്‌സിന്റെ ആദ്യ പരീക്ഷണം നടത്തിയിരിക്കുന്നത് വനിതയിലാണ്. യുഎസ് വളണ്ടിയറിനാണ് ഗവേഷകര്‍ വാക്‌സിന്റെ ആദ്യ കുത്തിവെപ്പ് നല്‍കിയിട്ടുള്ളത്. ഈ അടിയന്തര സാഹചര്യത്തില്‍ എല്ലാവര്‍ക്കും വേണ്ടതെന്താണോ അതാണ് ഞഞങ്ങള്‍ ചെയ്തതെന്നാണ് ഗവേഷക സംഘത്തിന്റെ നേതാവ് ഡോ. ലിസ ജാക്‌സണ്‍ പ്രതികരിച്ചത്. യുഎസിലെ ഒരു ടെക് കമ്ബനിയിലെ ഓപ്പറേഷന്‍സ് മാനേജര്‍ ജെന്നിഫര്‍ ഹാലറിലാണ് ആദ്യ കുത്തിവെപ്പ് നടത്തിയിട്ടുള്ളതെന്നാണ് അസോസിയേറ്റഡ് പ്രസ് റിപ്പോര്‍ട്ട് ചെയ്യുന്നത്. എംആര്‍എന്‍എ 1273 എന്ന് പേരിട്ടിരിക്കുന്ന […]
