തിരുവനന്തപുരം: വിദേശത്ത് നിന്ന് തിരുവനന്തപുരം വിമാനത്താവളത്തില് വന്നിറങ്ങിയ 1200 പേരെ നിരീക്ഷണ കേന്ദ്രത്തിലാക്കാന് തീരുമാനം. പ്രത്യേകം തയാറാക്കിയ കേന്ദ്രങ്ങളിലേക്കാണ് ഇവരെ മാറ്റുന്നത്. ഇവരെ എത്തിക്കാന് 50 ബസുകള് തയാറാക്കാന് മോട്ടര്വാഹനവകുപ്പിന് നിര്ദേശം നല്കി.
അബുദാബി, ദുബായ്, ഷാര്ജ എന്നിവിടങ്ങളില്നിന്നുള്ള വിമാനങ്ങളിലാണ് യാത്രക്കാര് വന്നത്. ഇവരെ നിരീക്ഷണ കേന്ദ്രത്തിലേക്ക് മാറ്റുന്നതിനായി ബസുകള് ഉടന് എത്തിക്കാനാണ് നിര്ദേശം. എല്ലാ മോട്ടര് വെഹിക്കിള് ഉദ്യോഗസ്ഥരോടും ഡിഎംഒ ഓഫിസില് റിപ്പോര്ട്ട് ചെയ്യാന് നിര്ദേശിച്ചിട്ടുണ്ട്.