മലയാളികള്ക്ക് പ്രിയപ്പെട്ട വിഭവമാണ് പരിപ്പുവട .കട്ടന്ചായയും പരിപ്പുവടയും കേരള രാഷ്ട്രീയ ചരിത്രത്തില് സ്ഥാനം കിട്ടിയ വിഭവങ്ങളാണെന്ന് പറയാം.രുചികരമായ പരിപ്പുവട എങ്ങനെ ഉണ്ടാക്കാം എന്ന് നോക്കാം
ചേരുവകള്
- കടല/തൂവരപ്പരിപ്പ് – 1 കപ്പ്
- ഇഞ്ചി – ഒരു ചെറിയ കഷണം
- വറ്റല് മുളക് – 3 എണ്ണം
- ചെറിയ ഉള്ളി – 12 എണ്ണം
- കറിവേപ്പില – 1 തണ്ട്
- ഉപ്പ് -ആവശ്യത്തിന്
- എണ്ണ -വറുക്കാനാവശ്യമായത്
തയ്യാറാക്കാം
രണ്ട് മണിക്കൂര് കുതിര്ത്ത പരിപ്പ് വെള്ളം ഊറ്റിയെടുക്കുക. ശേഷം അധികം അരയാതെ,വെള്ളം ചേര്ക്കാതെ അരച്ചെടുക്കുക
ഇഞ്ചിയും വറ്റല് മുളകും ചെറിയ ഉള്ളിയും കറിവേപ്പിലയും ചെറുതായി മുറിച്ചെടുക്കുക ഈ കൂട്ട് അരച്ച പരിപ്പില് ചേര്ക്കുക. ശേഷം ഉപ്പും ചേര്ത്ത് നന്നായി കുഴക്കുക
ചെറിയ ഉരുളയായി ഉരൂട്ടിയ ശേഷം കൈയില് വച്ച് പതിയെ അമര്ത്തി ചൂടായ എണ്ണയിലേക്കിടുക. രണ്ടു വശവും മറിച്ചിട്ട് ബ്രൗണ്നിറമായാല് കോരിയെടുക്കാം.