തിരുവനന്തപുരം: ലോക്‌സഭാ തിരഞ്ഞെടുപ്പില്‍ മത്സരിക്കില്ലെന്ന് ഉറപ്പിച്ച്‌ ഡി.ജി.പി ജേക്കബ് തോമസ്. നിലവില്‍ സസ്‌പെന്‍ഷനിലുള്ള ഡി.ജി.പിയായ അദ്ദേഹം സമര്‍പ്പിച്ച രാജി സര്ക്കാര് സ്വീകരിക്കാത്തതിനെ തുടര്‍ന്നാണ് മത്സരിക്കാനില്ലെന്ന തീരുമാനത്തിലെത്തിയത്. ചാലക്കുടി മണ്ഡലത്തില്‍ നിന്ന് ട്വന്‍റി- 20 മുന്നണിയുടെ സ്ഥാനാര്‍ഥിയായാണ് ജേക്കബ് തോമസ് മത്സരിക്കാനിരുന്നത്. രാജി സമര്‍പ്പിച്ചിട്ടും സര്ക്കാര് സ്വീകരിക്കാത്തതിനെ തുടര്‍ന്ന് ലോക്‌സഭ തിരഞ്ഞെടുപ്പില്‍ മത്സരിക്കാനില്ലെന്ന് തീരുമാനിക്കുകയായിരുന്നു അദ്ദേഹം. അതേസമയം, ചാലക്കുടി മണ്ഡലത്തില്‍ മറ്റാരെയും സ്ഥാനാര്‍ത്ഥിയാക്കില്ലെന്ന് കിഴക്കമ്പലം ട്വന്‍റി-20അറിയിച്ചു. കേരളത്തിന്റെ ചരിത്രത്തില്‍ ആദ്യമായാണ് സസ്‌പെന്‍ഷനിലുള്ള ഒരു ഐ.പി.എസ് ഉദ്യോഗസ്ഥന്‍, അതും ഡി.ജി.പി […]
