ന്യൂഡല്ഹി: സംവരണ വിഷയത്തില് ബിജെപിയേയും ആര്എസ്എസിനെയും അതിരൂക്ഷമായി വിമര്ശിച്ച് കോണ്ഗ്രസ് മുന് അധ്യക്ഷന് രാഹുല് ഗാന്ധി. പട്ടികജാതി/ പട്ടിക വര്ഗ വിഭാഗങ്ങളുടെ ഉന്നമനം അവര് ആഗ്രഹിക്കുന്നതേ ഇല്ലെന്നും രാഹുല് തുറന്നടിച്ചു.
രാജ്യത്ത് നിലനില്ക്കുന്ന സംവിധാനങ്ങള് തകിടം മറിക്കുകയാണ് ബിജെപിയെന്നും രാഹുല് കുറ്റപ്പെടുത്തി. സംവരണം ഇല്ലാതാക്കാമെന്നത് പ്രധാനമന്ത്രി നരേന്ദ്ര മോദിയുടെയും ആഭ്യന്തരമന്ത്രി അമിത് ഷായുടെയും വ്യാമോഹമാണെന്നും അദ്ദേഹം കൂട്ടിച്ചേര്ത്തു.