കൊച്ചി: അട്ടപ്പാടിയില് ആദിവാസി യുവാവിനെ ആള്ക്കൂട്ടം തല്ലിക്കൊന്ന സംഭവത്തില് ഹൈക്കോടതി സ്വമേധയാ കേസെടുത്തു. പൊതുതാത്പര്യം മുന്നിര്ത്തി ഹൈക്കോടതി ജഡ്ജി ജസ്റ്റീസ് കെ. സുരേന്ദ്രന് നല്കിയ കത്തില് ചീഫ് ജസ്റ്റീസിന്റെ നിര്ദേശപ്രകാരണ് ഡിവിഷന് ബെഞ്ച് കേസെടുത്തിരിക്കുന്നത്.
കേസില് കോടതിയെ സഹായിക്കാന് അമിക്കസ് ക്യൂറിയെയും ഹൈക്കോടതി നിയോഗിച്ചു. അഡ്വക്കേറ്റ് പി ദീപക്കിനെയാണ് അമിക്കസ്ക്യൂറിയായി കോടതി നിയമിച്ചിട്ടുള്ളത്. സംഭവവുമയി ബന്ധപ്പെട്ട് ‘കെല്സ’ ചുമതലയുള്ള ഹൈകോടതി ജഡ്ജി ചീഫ് ജസ്റ്റിസിന് നല്കിയ കത്ത് ഹരജിയായി പരിഗണിച്ചാണ് സര്ക്കാറിനോട് വിശദീകരണം തേടിയത്. കത്ത് പരിഗണിച്ച ചീഫ് ജസ്റ്റിസ് വിഷയം പൊതുതാല്പര്യ ഹര്ജിയായി കോടതി മുമുമ്പാകെ എത്തിക്കാന് നിര്ദേശിക്കുകയായിരുന്നു.
കോടതി ഈ വിഷയത്തെ വളരെ ഗൗരവത്തോടെയാണ് കാണുന്നതെന്ന് ചീഫ് ജസ്റ്റിസ് അഭിപ്രായപ്പെട്ടു. ക്രിമിനല്കുറ്റമാണ് നടന്നിരിക്കുന്നതെന്നും കോടതി നിരീക്ഷിച്ചു. ആദിവാസി ക്ഷേമ പദ്ധതികളുടെ കാര്യക്ഷമത ഉറപ്പാക്കണമെന്ന് കോടതി നിര്ദേശിച്ചു.