ഇന്നത്തെ റമദാൻ വിഭവം ചെമ്മീൻ കൊണ്ടുള്ള വടയാണ്. രുചികരമായ ചെമ്മീൻ വട എങ്ങനെ തയ്യാറാക്കാമെന്നു നോക്കാം.
കഴുകി വൃത്തിയാക്കിയ പച്ച ചെമ്മീൻ(ചെറുതോ,വലുതോ) – ഒരു പിടി , ചുവന്നുള്ളി – രണ്ട് , വെളുത്തുള്ളി – രണ്ട് , കുരുമുളക്പൊടി – ഒരു ടീ സ്പൂൺ , മഞ്ഞൾപൊടി – ഒരു ടീ സ്പൂൺ , മുളക്പൊടി – ഒരു ടീ സ്പൂൺ , വേപ്പില – ഒരു തണ്ട് , ഗരം മസാല – ഒരു ടീ സ്പൂൺ , ഉപ്പ് – ആവശ്യത്തിന് , വെളിച്ചെണ്ണ – ആവശ്യത്തിന്.
തയ്യാറാക്കു ന്ന വിധം :
ചേരുവകളെല്ലാം കൂടി ആവശ്യത്തിന് ഉപ്പ് ചേർത്ത് മിക്സിയിൽ ചതച്ചെടുക്കുക.അതിനു ശേഷം ചെറിയ ഉരുളകളാക്കി പരിപ്പുവട പോലെ പരത്തി പത്ത് മിനിറ്റു നേരം വെയ്ക്കുക. അതിനു ശേഷം ചൂടായ വെളിച്ചെണ്ണയിൽ ബ്രൗൺ നിറം ആകുന്നവരെ തിരിച്ചും മറിച്ചുമിട്ട് വറുത്തെടുക്കുക.