ജീവിതത്തില്‍ എന്തെങ്കിലും സംഭവിക്കുമ്പോള്‍ ‘ശ്ശെടാ, ഇത് മുമ്പ് സംഭവിച്ചതല്ലേ?’ എന്ന് നമ്മള്‍ പലപ്പോഴും ചിന്തിച്ചിട്ടുണ്ടാകും. ദേജാവു എന്നു വിളിക്കുന്ന ഈ പ്രതിഭാസം ഫുട്‌ബോള്‍ കളിക്കളത്തില്‍ കണ്ട് അമ്പരന്നിരിക്കുകയാണ് ആരാധകര്‍. ഡച്ച് ലീഗില്‍ അജാക്‌സ് നേടിയ ഒരു ഗോളാണ് ആരാധകരെ ഞെട്ടിച്ചിരിക്കുന്നത്.
വിറ്റെസെക്കെതിരെ അജാക്‌സ് നേടിയ ഗോള്‍ വീഡിയോ റഫറി നിഷേധിച്ചപ്പോള്‍ മുപ്പതു സെക്കന്റിനകം അതേ രീതിയില്‍ തന്നെ വീണ്ടും ഗോള്‍ നേടിയാണ് ആരാധകരെ വിസ്മയിപ്പിച്ചത്. വിറ്റെസെ ആണ്‍ഹെമിനെതിരെ അജാക്‌സ് നാല് ഗോളുകള്‍ക്ക് വിജയിച്ച മത്സരത്തിലാണ് ഈ അപൂര്‍വ്വ സംഭവം അരങ്ങേറിയത്.
കഴിഞ്ഞ സീസണില്‍ ഡച്ച് ലീഗ് കിരീടം നഷ്ടപ്പെടുത്തിയ അജാക്‌സ് ഇത്തവണ മികച്ച ഫോമിലാണ് കളിക്കുന്നത്. നാല് മത്സരങ്ങളില്‍ നിന്നും പത്തു പോയിന്റുമായി പിഎസ്‌വിയുടെ തൊട്ടു പുറകില്‍ രണ്ടാം സ്ഥാനത്താണ് അജാക്‌സ്.
