ആലപ്പുഴ: ആലപ്പുഴ കലവൂരില് ബന്ധുവീട്ടില് യുവാവിനെ വെട്ടേറ്റ് മരിച്ച നിലയില് കണ്ടെത്തി. കോര്ത്തുശേരി സ്വദേശി സുജിത്ത്(25) ആണ് കൊല്ലപ്പെട്ടത്.
ആര്യാട് നോര്ത്ത് കോളനിയിലെ ബന്ധുവീട്ടിലാണ് മൃതദേഹം കണ്ടെത്തിയത്. സംഭവത്തില് വീട്ടുടമയെയും ഭാര്യയെയും പോലീസ് കസ്റ്റഡിയിലെടുത്തു. ഇവര് ആദ്യം പറഞ്ഞത് മോഷണ ശ്രമത്തിനിടെയാണ് യുവാവ് കൊല്ലപ്പെട്ടതെന്നാണ്.
എന്നാല് പിന്നീട് പറയുന്നത് കിടപ്പറയില് ഒളിഞ്ഞു നോക്കിയതിനാണ് ഗൃഹനാഥന് വെട്ടിക്കൊന്നതെന്നാണ്. വീട്ടുടമയുടെ മൊഴിയില് സംശയമുള്ളതിനാല് ഇന്ന് വീണ്ടും പോലീസ് ഇയാളെ ചോദ്യം ചെയ്യും.