മെസേജിങ് ആപ്പായ വാട്സാപ്പ് പുതിയ സുരക്ഷാ ഫീച്ചര് അവതരിപ്പിച്ചു. ആപ്പ് തുറക്കാന് ഫിംഗര്പ്രിന്റ് സ്കാനറാണ് പുതുതായി ഉള്പ്പെടുത്തിയിരിക്കുന്നത്. നിലവില് ബീറ്റാ വേര്ഷനിലാണ് സേവനം ഉള്പ്പെടുത്തിയിരിക്കുന്നത്.
ടെക്നോളജി വെബ്സൈറ്റായ വാബീറ്റ ഇന്ഫോയാണ് ഇത് സംബന്ധിച്ച വാര്ത്ത നല്കിയിരിക്കുന്നത്. ആപ്പിന്റെ ഓപ്പറേറ്റിങ് സിസ്റ്റമായ ഐ.ഒ.എസില് ഈ ഫീച്ചര് നേരത്തെ തന്നെ അവതരിപ്പിച്ചിരുന്നു. സെറ്റിങ്സ്- അക്കൗണ്ട്- പ്രൈവസി- യൂസ് ഫിംഗര്പ്രിന്റ് അണ്ലോക്ക് എന്നിങ്ങനെയാണ് പുതിയ സേവനം ഉപയോഗിക്കാനുള്ള ക്രമം.
നിരവധി തവണ ഫിംഗര്പ്രിന്റ് വഴി ആപ്പ് അണ്ലോക്ക് ചെയ്യാനുള്ള ശ്രമം പരാജയപ്പെട്ടാല് പിന്നീട് വാട്സാപ്പ് കുറച്ച് നേരത്തേക്ക് ഉപയോഗിക്കാന് സാധിക്കില്ല. പുതിയ സേവനം വാട്സാപ്പിന് അധിക സുരക്ഷ നല്കുമെന്നാണ് വിലയിരുത്തപ്പെടുന്നത്.