കൊച്ചി: തൊടുപുഴയില് ഏഴു വയസുകാരനു ക്രൂരമര്ദനമേറ്റ സംഭവത്തിലെ പ്രതി അരുണ് ആനന്ദിനെ പോലീസ് അറസ്റ്റ് ചെയ്തു. നേരത്തെ, കസ്റ്റഡിയിലെടുത്ത ഇയാളുടെ അറസ്റ്റ് വൈകിട്ട് അഞ്ചോടെയാണ് രേഖപ്പെടുത്തിയത്.
ഇളയ കുട്ടി കിടക്കയില് മൂത്രമൊഴിച്ചതാണ് അരുണ് ആനന്ദ് ഏഴു വയസുള്ള മൂത്ത കുട്ടിയെ അതിക്രൂരമായി മര്ദിക്കാന് കാരണമെന്നാണ് വിവരം. കിടക്കയില് കിടന്ന ഏഴുവയസുകാരന്റെ നടുവിനു ചവിട്ടി തെറിപ്പിച്ചു. കുട്ടി ഭിത്തിയില് തലയടിച്ചു അലമാരയ്ക്കിടയില് വീഴുകയായിരുന്നു.
എന്നിട്ടും, അരിശം മാറാത്ത അരുണ് കുട്ടിയെ വീണ്ടും മര്ദിക്കുകയായിരുന്നു. പിന്നീടാണ് നിലത്തിട്ടു ചവിട്ടിയത്. മാതാവ് ഇടപെട്ടപ്പോള് എല്ലാവരെയും കൊല്ലുമെന്നും ഭീഷണിപ്പെടുത്തി നിശബ്ദമാക്കി. കുട്ടിയെ അബോധാവസ്ഥയില് കോലഞ്ചേരി മെഡിക്കല് കോളജ് ആശുപത്രിയില് പ്രവേശിപ്പിക്കുകയായിരുന്നു.