തൃശൂര്: കൊരട്ടിയില് കെ.എസ്.ആര്.ടി.സി ബസ് മറിഞ്ഞ് ആറുപേര്ക്ക് പരിക്ക്. ബംഗളുരുവില് നിന്ന് തിരുവല്ലയിലേക്ക് പോകുകയായിരുന്ന സൂപ്പര്ഡീലക്സ് ബസാണ് മറിഞ്ഞത്. ഇന്ന് രാവിലെ ആറുമണിയോടെയായിരുന്നു അപകടം. റോഡിന് കുറുകെവന്ന ബൈക്ക് യാത്രക്കാരനെ രക്ഷിക്കാന് പെട്ടെന്ന് ബ്രേക്ക് ചെയ്ത് വെട്ടിച്ചതിനെ തുടര്ന്ന് ബസ് മറിയുകയായിരുന്നു. 18 യാത്രക്കാരായിരുന്നു ബസിലുണ്ടായിരുന്നത്. പരിക്കേറ്റവരെ ചാലക്കുടിയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
തൃശൂര്: ലൈനിലെ അറ്റകുറ്റപ്പണിക്കിടെ വൈദ്യുതാഘാതമേറ്റ് കരാര് തൊഴിലാളി മരിച്ചു. തമിഴ്നാട് സേലം സ്വദേശി സുരേഷ് (32) ആണ് മരിച്ചത്. ആളൂരിലാണ് സംഭവം നടന്നത്. ലൈന് ഓഫ് ചെയ്ത ശേഷമാണ് പണി നടന്നത്. എന്നാല്, അബദ്ധത്തില് വൈദ്യുതി പ്രവഹിച്ചതാണ് അപകടത്തിനിടയാക്കിയത്. ഷോക്കേറ്റ് തെറിച്ചുവീണ സുരേഷിനെ ആശുപത്രിയില് എത്തിച്ചെങ്കിലും മരണം സംഭവിച്ചു.
തൃശൂര്: തൃശൂര് പൂരം വെടിക്കെട്ടിന് അനുമതി. ജില്ലാ കലക്ടര് എ കൗശികനാണ് അനുമതി നല്കിയത്. പതിവ് പോലെ വെടിക്കെട്ട് നടത്താന് തിരുവമ്പാടി, പാറമേക്കാവ് ദേവസ്വം ബോര്ഡുകള്ക്ക് ലൈസന്സ് നല്കി. അതേസമയം പാറമേക്കാവിന്റെ അമിട്ടുകള് ഒരു തവണ കൂടി പരിശോധിക്കും. പൂരാവേശം അവസാന മണിക്കൂറിലെത്തിയിട്ടും റവന്യൂ, എക്സ്പ്ലോസീവ് ഉദ്യോഗസ്ഥരുടെ അനുമതി ലഭിക്കാത്തത് പ്രതിസന്ധി സൃഷ്ടിച്ചിരുന്നു. തൃശൂര് പൂരത്തിന്റെ നടത്തിപ്പുകാരായ തിരുവമ്പാടി പാറമേക്കാവ് ദേവസ്വങ്ങള്ക്ക് ബന്ധപ്പെട്ട വകുപ്പുകളുട അനുമതി ലഭിച്ചതോടെ കാത്തിരിപ്പിന് വിരാമമായി.
തൃശൂര്: തൃശൂര് പൂരം വെടിക്കെട്ട് അനിശ്ചിതത്വത്തില്. വെടിക്കെട്ട് നടത്തുന്ന തിരുവമ്പാടിക്കും പാറമേക്കാവിനും വെടിക്കെട്ടിന് ഇതുവരെ അനുമതി ലഭിച്ചട്ടില്ല . എക്സ്പ്ലോസീവ് വിഭാഗത്തിന്റെ റിപ്പോര്ട്ടിന്റെ അടിസ്ഥാനത്തില് ജില്ലാ ഭരണകൂടമാണ് വെടിക്കെട്ടിന് അനുമതി നല്കകേണ്ടത്. ഇത് ഇതേവരെ ലഭിച്ചിട്ടില്ല. അനുമതി ലഭിക്കാത്തതിന്റെ കാരണം എന്താണെന്നു വ്യക്തമല്ലെന്ന് തിരുവമ്പാടി, പാറമേക്കാവ് വിഭാഗങ്ങള് അറിയിച്ചു. പൂരത്തിന്റെ സാമ്പിള് വെടിക്കെട്ടിനിടെ കഴിഞ്ഞ ദിവസം അമിട്ട് നിലത്തുവീണു പൊട്ടി ആറു പേര്ക്കു പരിക്കേറ്റ സംഭവത്തില് ദേവസ്വം സ്വെകട്ടറിയോടു ജില്ലാ കളക്ടര് വിശദീകരണം തേടിയിരുന്നു. വെടിക്കെട്ട് അവശിഷ്ടങ്ങളില്നിന്ന് […]
തൃശൂര്: ഇന്ന് വിശ്വപ്രസിദ്ധമായ തൃശൂര് പൂരം. വാദ്യമേള വര്ണ വിസ്മയങ്ങളുടെ സമന്വയമായ പൂരത്തില് അലിയാന് പൂരപ്പറമ്പിലേക്ക് പുരുഷാരം ഒഴുകിത്തുടങ്ങി. രാവിലെ ഏഴുമണിയോടെ കണിമംഗലം ശാസ്താവ് പൂരപ്പറമ്പിലെഴുന്നള്ളി പൂരത്തെ വിളിച്ചുണര്ത്തും. ഇതോടെ ഘടകപൂരങ്ങളുടെ വരവ് ആരംഭിക്കും. 11നു പഴയ നടക്കാവില് മഠത്തില് വരവ് പഞ്ചവാദ്യത്തിനു കോങ്ങാട് മധു പ്രമാണിയാകും. 12.30നു പാറമേക്കാവ് അമ്പലത്തിനു മുന്നില് ഭഗവതിയെ പുറത്തേക്കെഴുന്നള്ളിക്കുന്ന ചടങ്ങിനൊപ്പം പെരുവനം കുട്ടന്മാരാരുടെ ചെമ്പടമേളം. തുടര്ന്നു രണ്ടുമണിയോടെ വടക്കുന്നാഥ ക്ഷേത്രത്തിന്റെ പടിഞ്ഞാറേ നടയിലെ ഇലഞ്ഞിത്തറയില് ലോകപ്രശസ്തമായ ഇലഞ്ഞിത്തറമേളം. 2.45നു ശ്രീമൂലസ്ഥാനത്തു […]
തൃശൂര്: തൃശൂര് പൂരത്തിന്റെ ചടങ്ങുകള്ക്ക് ഇന്ന് തുടക്കമാകും. നെയ്തലക്കാവിലമ്മ തെക്കേഗോപുരനട തുറക്കുന്നതോടെയാണ് ചടങ്ങുകള് തുടങ്ങുക. തെച്ചിക്കോട്ടുകാവ് രാമചന്ദ്രനാണ് ഇത്തവണയും നെയ്തലക്കാവിലമ്മയുടെ തിടമ്പേറ്റുക. ഇന്നലെ സാമ്പിള് വെടിക്കെട്ട് നടന്നു. തൃശൂരിന്റെ കാഴ്ചകള്ക്കും വിശേഷങ്ങള്ക്കും പൂരച്ചൂടാണ്. പൂരം വരവ് ശംഖ് വിളിച്ച് വിളംബരം ചെയ്ത് നെയ്തലക്കാവിലമ്മ തെക്കേഗോപുര നടതുറക്കാന് ഇന്നെത്തും. 11.30ഓടെ തെക്കേ ഗോപുരനട തുറക്കുന്നതോടെ 36 മണിക്കൂര് നീണ്ടു നില്ക്കുന്ന പൂരത്തിന് തുടക്കമാകും. ചെറുപൂരങ്ങള്ക്ക് വടക്കുന്നാഥക്ഷേത്രത്തില് പ്രവേശിക്കാനുള്ള അനുവാദം വാങ്ങാനാണ് നെയ്തിലക്കാവമ്മ എഴുന്നള്ളുന്നതെന്നാണ് സങ്കല്പം. നാളെ രാവിലെ കണിമംഗലം […]
തൃശ്ശൂര്: പൂരങ്ങളുടെ പൂരമായ തൃശ്ശൂര് പൂരം ആഘോഷമാക്കാന് നാടും നഗരവും ഒരുങ്ങുമ്പോള് ഇവിടെയെത്തുന്ന ജനങ്ങള്ക്ക് സുരക്ഷയൊരുക്കുകയാണ് കേരള പോലീസ്. തൃശൂര് പൂരത്തിന് മുന്നോടിയായി പ്രമോഷണല് വീഡിയോയും പൊലീസ് ഒരുക്കിയിട്ടുണ്ട്.
തൃശൂര്: എത്ര കണ്ടാലും മതിവരാത്ത വര്ണക്കാഴ്ചകളും എത്ര കേട്ടാലും കൊതിതീരാത്ത നാദവിസ്മയങ്ങളും കൈകോര്ക്കുന്ന വിശ്വപ്രസിദ്ധമായ തൃശൂര് പൂരത്തിനു കൊടിയേറി. പൂരത്തിന്റെ പ്രധാന പങ്കാളികളായ തിരുവമ്പാ ടി-പാറമേക്കാവ് ക്ഷേത്രങ്ങളിലും എട്ട് ഘടക ക്ഷേത്രങ്ങളിലും പൂരം കൊടിയേറി. തിരുവമ്പാടി ക്ഷേത്രത്തില് രാവിലെ 11നും 11.30നുമിടയിലായിരുന്നു കൊടിയേറ്റ ചടങ്ങുകള്. പാറമേക്കാവ് ക്ഷേത്രത്തില് 11.45നും 12.15നുമിടയിലാണ് കൊടിയേറ്റ് നടന്നത്. ഘടക ക്ഷേത്രങ്ങളായ കണിമംഗലം ശാസ്താക്ഷേത്രം, അയ്യന്തോള് ശ്രീകാര്ത്യായനി ക്ഷേത്രം, ചെമ്പുക്കാവ് ശ്രീ കാര്ത്യായനി ക്ഷേത്രം, ലാലൂര് ശ്രീ കാര്ത്യായനിദേവി ക്ഷേത്രം, നെയ്തലക്കാവ് ഭഗവതിക്ഷേത്രം, […]
തൃശൂര്: തൃശൂര് പൂരത്തിന് ചരിത്രത്തിലാദ്യമായി ഇക്കൊല്ലം ഗ്രീന്പ്രോട്ടോക്കോള് നടപ്പാക്കുമെന്ന് മന്ത്രി വിഎസ് സുനില്കുമാര്. പൂരത്തിന്റെ തനിമയും പാരമ്പര്യവും കൈവിടാതെ തൃശൂര് പൂരം ആഘോഷമാക്കുന്നതിനൊപ്പം ഗ്രീന് പ്രോട്ടോക്കോള് കര്ശനമായി നടപ്പാക്കും. പഴുതടച്ച സുരക്ഷയോടെ നിയമങ്ങള് പാലിച്ച് നടത്തുന്ന പൂരം പ്ലാസ്റ്റിക്, മാലിന്യ രഹിതമായി നടത്താനാണ് ഗ്രീന് പ്രോട്ടോക്കോള് നടപ്പാക്കുന്നത്. മുഖ്യമന്ത്രി പിണറായി വിജയന്, പെസോ ചീഫ് കണ്സ് കണ്ട്രോളര് അടക്കമുള്ള പ്രമുഖര് എന്നിവരെ ഇത്തവണത്തെ പൂരത്തിന് സംഘാടകര് ക്ഷണിച്ചിട്ടുണ്ട്. വിദേശികളടക്കമുള്ളവര്ക്ക് പൂരമാസ്വദിക്കാനായി വിപുലമായ രീതിയിലുള്ള വിഐപി പവലിയന് നിര്മിക്കുമെന്നും […]
തൃശ്ശൂര്: നടന് ദിലീപിന്റെ ഉടമസ്ഥതയിലുള്ള തിയേറ്റര് ഡി സിനിമാസിനെതിരായ പരാതിയില് വിജിലന്സ് ഉദ്യോഗസ്ഥര്ക്കെതിരെ തൃശ്ശൂര് വിജിലന്സ് കോടതിയുടെ വിമര്ശനം. കേസില് എഫ്ഐആര് രജിസ്റ്റര് ചെയ്യാന് വൈകിയതുമായി ബന്ധപ്പെട്ടാണ് വിജിലന്സിനെ കോടതി വിമര്ശിച്ചത്. പരാതിയില് എഫ്ഐആര് രജിസ്റ്റര് ചെയ്യാന് കോടതി ഒരാഴ്ച സമയം കൂടി അനുവദിച്ചിട്ടുണ്ട്. ഡി സിനിമാസ് ഭൂമി കൈയേറിയിട്ടില്ലെന്ന വിജിലൻസിന്റെ ആദ്യ റിപ്പോർട്ട് കോടതി നേരത്തേ തള്ളിയിരുന്നു. കേസിൽ എഫ്ഐആർ രജിസ്റ്റർ ചെയ്ത് അന്വേഷിക്കണമെന്ന് തൃശൂർ വിജിലൻസ് കോടതി ഉത്തരവിട്ടിരുന്നു. ഡി സിനിമാസ് തീയറ്റർ കോംപ്ലക്സ് പുറമ്പോക്ക് […]
