സീറ്റ് വിഭജന ചര്‍ച്ച പൂര്‍ത്തിയായിട്ടില്ലെന്ന് കെപിസിസി പ്രസിഡന്‍റ് വി എം സുധീരന്‍. നാളെ രാവിലെ സ്ക്രീനിംഗ് കമ്മറ്റി വീണ്ടും യോഗം ചേരും. മന്ത്രിമാരടക്കമുള്ളവരുടെ സീറ്റ് തര്‍ക്കവുമായി ബന്ധപ്പെട്ട ചോദ്യങ്ങളോട് സുധീരന്‍ പ്രതികരിച്ചില്ല. ഇന്നത്തെ ചര്‍ച്ചകള്‍ കഴിഞ്ഞ് മാധ്യമങ്ങളോട് പ്രതികരിക്കുകയായിരുന്നു സുധീരന്‍.
ചര്‍ച്ചയില്‍ കാര്യമായ പുരോഗതിയുണ്ടെന്നും നാളെ സ്ഥാനാര്‍ഥികളെ പ്രഖ്യാപിക്കുവാന്‍ സാധിക്കുമെന്നും സുധീരന്‍ പറഞ്ഞു. ഘടകകക്ഷികളുടെ സീറ്റുവിഭജനവുമായി ബന്ധപ്പെട്ട വിഷയങ്ങളും നാളെ സ്റ്റിയറിങ് കമ്മറ്റി പരിശോധിക്കുമെന്നും സുധീരന്‍ പറഞ്ഞു.
