ജയലളിത ഉപയോഗിച്ച ഹെലികോപ്​റ്റര്‍ ‘എയര്‍ ആംബുലന്‍സ്​’ ആക്കിമാറ്റി തമിഴ്​നാട്​ സര്‍ക്കാര്‍

ചെന്നൈ: തമിഴ്​നാട്​ മുന്‍മുഖ്യമന്ത്രി ജയലളിത ഉപയോഗിച്ചിരുന്ന അത്യാധൂനിക ഹെലികോപ്​റ്റര്‍ എയര്‍ ആംബുലന്‍സ് ആക്കാന്‍ സ്റ്റാലിന്‍​ സര്‍ക്കാര്‍ തീരുമാനിച്ചു. തമിഴ്​നാട്ടില്‍ നിലവില്‍ കോയമ്ബത്തുരിലെ സ്വകാര്യ ആശുപത്രി മാത്രമാണ്​ എയര്‍ ആംബുലന്‍സ്​ സര്‍വീസ്​ നടത്തുന്നത്​.

2006ലാണ്​ സംസ്​ഥാന സര്‍ക്കാര്‍ ഇരട്ട എന്‍ജിനുള്ള ‘ബെല്‍ 412EP’ എന്ന ഹെലികോപ്​റ്റര്‍ വാങ്ങിയത്​. 2019 നവംബര്‍​ വരെ ഉപയോഗിച്ച ഹെലികോപ്​റ്റര്‍ 2,449 മണിക്കൂര്‍ മാത്രമാണ്​ പറന്നത്​.

പിന്നീട്​ മീനംപാക്കം വിമാനത്താവളത്തില്‍ നിര്‍ത്തിയിടുകയായിരുന്നു. കഴിഞ്ഞ സര്‍ക്കാര്‍ ഹെലികോപ്​റ്റര്‍ വില്‍ക്കാന്‍ നീക്കം നടത്തിയിരുന്നു.

എന്നാല്‍ ഡി.എം.കെ സര്‍ക്കാര്‍ വന്നതോടെ​ എയര്‍ ആംബുലന്‍സ്​ സര്‍വീസ്​ തുടങ്ങാന്‍ തീരുമാനിക്കുകയായിരുന്നു. ഇതോടനുബന്ധിച്ച്‌​ ചില പ്രധാന സര്‍ക്കാര്‍ ആശുപത്രി വളപ്പുകളില്‍ ഹെലിപാഡുകള്‍ നിര്‍മിക്കാനും മന്ത്രിസഭ തീരുമാനിച്ചിട്ടുണ്ട്​.

prp

Related posts

Leave a Reply

*