ന്യൂഡല്ഹി: രാജ്യത്ത് പുതുതായി കോവിഡ് സ്ഥിരീകരിച്ചത് രണ്ടുലക്ഷത്തോളം പേര്ക്ക്. 24 മണിക്കൂറിനിടെ 1,94,720 പേര്ക്കാണ് പുതുതായി രോഗം സ്ഥിരീകരിച്ചത്.
ഇതോടെ പ്രതിദിന രോഗ സ്ഥിരീകരണ നിരക്ക് 11.05 ശതമാനമായി ഉയര്ന്നതായി ആരോഗ്യമന്ത്രാലയം അറിയിച്ചു.
കഴിഞ്ഞദിവസത്തെ അപേക്ഷിച്ച് 15.8 ശതമാനമാണ് കോവിഡ് കേസുകളുടെ വര്ധന. കഴിഞ്ഞദിവസം 1.79ലക്ഷം പേര്ക്കാണ് രോഗം സ്ഥിരീകരിച്ചതെന്നും ആരോഗ്യമന്ത്രാലയം അറിയിച്ചു.
24 മണിക്കൂറിനിടെ 442 മരണവും റിപ്പോര്ട്ട് ചെയ്തു. രാജ്യത്ത് കോവിഡ് മരണനിരക്കില് വര്ധനയാണ് രേഖപ്പെടുത്തിയത്. കഴിഞ്ഞദിവസം 146 മരണമാണ് റിപ്പോര്ട്ട് ചെയ്തത്. ഇതോടെ രാജ്യത്ത് കോവിഡ് ബാധിച്ച് ജീവന് നഷ്ടമായവരുടെ എണ്ണം 60,405 ആയി ഉയര്ന്നു.
4868 ഒമിക്രോണ് കേസുകള് രാജ്യത്ത് ഇതുവരെ റിപ്പോര്ട്ട് ചെയ്തു. മഹാരാഷ്ട്രയിലും രാജസ്ഥാനിലുമാണ് ഏറ്റവും കൂടുതല് ഒമിക്രോണ് കേസുകള്. മഹാരാഷ്ട്രയില് 1281 പേര്ക്കും രാജസ്ഥാനില് 645 പേര്ക്കും ഇതുവരെ ഒമിക്രോണ് സ്ഥിരീകരിച്ചു. 546 ആണ് ഡല്ഹിയിലെ ഒമിക്രോണ് ബാധിതരുടെ എണ്ണം.