തൃശൂര്: ചാലക്കുടി രാജീവ് വധക്കേസില് ഹൈക്കോടതി ഉത്തരവിനെതിരെ പരാതി. ജസ്റ്റീസ് പി.ഉബൈദിന്റ ഇടക്കാല ഉത്തരവിനെതിരെ രാജീവിന്റെ അമ്മയാണ് സുപ്രീംകോടതി ചീഫ് ജസ്റ്റീസിന് പരാതി നല്കിയത്. പരാതിയുടെ പകര്പ്പ് ഹൈക്കോടതി ചീഫ് ജസ്റ്റീസിനും അയച്ചു.
ഇടക്കാല ഉത്തരവോടെ അഡ്വ. സി.പി ഉദയഭാനുവിനെതിരായ അന്വേഷണം വൈകുന്നുവെന്നും കേസില് ഹൈക്കോടതിയുടെ ഇടക്കാല ഉത്തരവ് അന്വേഷണം നിലക്കാന് കാരണമായെന്നുമാണ് പരാതിയില് ചൂണ്ടിക്കാട്ടുന്നത്. തെളിവില്ലാതാക്കാന് സാവകാശം കിട്ടിയെന്നും ആരോപണമുണ്ട്.
സെപ്റ്റംബര് 30നാണ് രാജീവിനെ തട്ടിക്കൊണ്ടുപോയി ശ്വാസംമുട്ടിച്ച് കൊലപ്പെടുത്തിയത്. സംഭവത്തില് ഒരു അഭിഭാഷകന് പങ്കുണ്ടെന്ന് ആദ്യം മുതലേ ആരോപണങ്ങള് ഉണ്ടായിരുന്നു. ഇതിന്റെ അടിസ്ഥാനത്തിലാണ് ഉദയഭാനുവിനെതിരെ കേസ് രജിസ്റ്റര് ചെയ്തത്.