മുംബൈ: ഭാര്യയുമായി വഴക്കിട്ട് യുവാവ് സ്വന്തം വീടിന് തീയിട്ടതിനെ തുടര്ന്ന് മഹാരാഷ്ട്രയിലെ സതാര ജില്ലയില് കത്തിയമര്ന്നത് പത്തോളം വീടുകള് .സതാരയിലെ പഠാന് താലൂക്കിലെ മജ്ഗോണ് ഗ്രാമത്തില് കഴിഞ്ഞ ദിവസം വൈകീട്ടാണ് ഞെട്ടിക്കുന്ന സംഭവം. പ്രതിയായ സഞ്ജയ് പാട്ടീലിനെ പൊലീസ് അറസ്റ്റ് ചെയ്തതായാണ് റിപ്പോര്ട്ടുകള് .
ഭാര്യ പല്ലവിയുമായി വഴക്കിട്ട സഞ്ജയ് സ്വന്തം വീടിന് തീയിടുകയായിരുന്നു. അഗ്നിബാധയെ തുടര്ന്ന് വീട്ടിലുണ്ടായിരുന്ന ഗ്യാസ് സിലിണ്ടര് പൊട്ടിത്തെറിച്ചു. ഇതേ തുടര്ന്നാണ് സമീപത്തെ വീടുകളിലേക്ക് തീപടര്ന്നത് .
അതെ സമയം ഗ്രാമവാസികള് തീ കെടുത്താന് ശ്രമം നടത്തിയെങ്കിലും വീടുകള് അഗ്നിക്കിരയായി . സഞ്ജയ്യെ തീപിടിത്തത്തില് നിന്ന് രക്ഷിച്ചെങ്കിലും ക്രൂര മര്ദനത്തിനിരയാക്കിയ ശേഷമാണ് ഗ്രാമീണര് പൊലീസിനെ ഏല്പ്പിച്ചത് . പല്ലവിയെ ബന്ധുവീട്ടിലേക്ക് മാറ്റിപ്പാര്പ്പിച്ചു. കോടതിയില് ഹാജരാക്കിയ സഞ്ജയ്യെ രണ്ടുദിവസത്തെ പൊലീസ് കസ്റ്റഡിയില് വിട്ടു.