കോട്ടയം: സുപ്രീംകോടതിയില് ഹാജരാകാന് കനത്ത സുരക്ഷയോടെ ഹാദിയ ഇന്ന് ഡല്ഹിയിലേക്ക്. വൈകിട്ട് നെടുമ്പാശ്ശേരി വിമാനത്താവളത്തില് നിന്നാണ് യാത്ര. അച്ഛനും, അമ്മയും ഹാദിയക്കൊപ്പമുണ്ടാകും. ഹൈക്കോടതി നിര്ദ്ദേശ പ്രകാരം മാതാപിതാക്കള്ക്കൊപ്പം പോയതിന് ശേഷം ആദ്യമായാണ് ഹാദിയ പുറത്ത് വരുന്നത്.
നേരത്തേ ട്രെയിനില് ഡല്ഹിയിലേക്ക് കൊണ്ടുപോകുമെന്നായിരുന്നു പൊലീസ് നല്കിയ വിവരമെങ്കിലും ഹാദിയയുടെ ജീവനുതന്നെ ഇത് ഭീഷണി ഉയര്ത്തുമെന്ന ആശങ്ക വിവിധതലങ്ങളില്നിന്ന് ഉയര്ന്നതോടെയാണ് യാത്ര വിമാനമാര്ഗമാക്കിയത്. 27ന് സുപ്രീംകോടതിയില് ഹാജരാകണമെന്ന നിര്ദ്ദേശത്തിന്റെ അടിസ്ഥാനത്തിലാണ് ഹാദിയയുടെ യാത്ര. മറ്റന്നാള് ഡല്ഹിയില് അഭിഭാഷകരുമായി ഇവര് കൂടിക്കാഴ്ച നടത്തും.
ഇതിനിടെ കേസില് ദേശീയ അന്വേഷണ ഏജന്സി സുപ്രീംകോടതിയില് പ്രാഥമിക പരിശോധന റിപ്പോര്ട്ട് സമര്പ്പിച്ചു. സീല്വെച്ച കവറിലാണ് റിപ്പോര്ട്ട് സമര്പ്പിച്ചത്.