ന്യൂഡല്ഹി: ചരക്കു – സേവന നികുതി (ജിഎസ്ടി) നടപ്പാക്കുന്പോള് ഇ- കൊമേഴ്സ് സ്ഥാപനങ്ങള്ക്കും സര്ക്കാര് ഡിപ്പാര്ട്ടുമെന്റ്കള്ക്കും ആശ്വാസ നടപടി. ഇവ നികുതി സ്രോതസില് പിടിച്ച് അടയ്ക്കുന്നതു തുടക്കത്തില് വേണ്ടെന്നു വച്ചു. എന്നു മുതല് അവ നികുതി പിരിക്കണം എന്നു പിന്നീട് അറിയിക്കും.
ഇ -കൊമേഴ്സ് സ്ഥാപനങ്ങള് അവരുടെ ഓണ്ലൈന് പ്ലാറ്റ് ഫോറത്തില് നടക്കുന്ന വില്പനയുടെ ഒരു ശതമാനം തുക ടിസിഎസ് (സ്രോതസില് നികുതി പിരിവ്) ആയി പിരിച്ച് സര്ക്കാരില് അടയ്ക്കണമെന്നാണു ജിഎസ്ടി നിയമവ്യവസ്ഥ(വകുപ്പ് 52).
സര്ക്കാര് വകുപ്പുകളും സര്ക്കാര് സ്ഥാപനങ്ങളും സ്രോതസില് നികുതി കിഴിച്ച് (ടിഡിഎസ്) സര്ക്കാരില് അടയ്ക്കണമെന്ന് 51-ാം വകുപ്പും പറയുന്നു.രണ്ടു വകുപ്പുകളും തുടക്കത്തില് മരവിപ്പിക്കുകയാണ് ഇന്നലെ ചെയ്തത്.