ന്യൂഡല്‍ഹി: ഗംഗാ നദിയുടെ തീരത്തുള്ള നഗരങ്ങളില്‍ പ്ലാസ്റ്റിക്കിന് നിരോധനം ഏര്‍പ്പെടുത്തി ദേശീയ ഹരിത ട്രൈബ്യൂണല്‍. ഹരിദ്വാര്‍, ഋഷികേശ് തുടങ്ങിയ നഗരങ്ങളില്‍ പ്ലാസ്റ്റിക് ഉപയോഗിക്കുന്നതിനും വില്‍ക്കുന്നതിനുമാണ് വിലക്ക് ഏര്‍പ്പെടുത്തിയത്. പ്ലാസ്റ്റിക് നിര്‍മിതമായ പാത്രങ്ങള്‍, ബാഗുകള്‍, സ്പൂണുകള്‍ തുടങ്ങിയവയ്ക്കാണ് നിരോധനം.
ഗംഗാ നദി തീരത്തെ പ്ലാസ്റ്റിക് മലിനീകരണം നിയന്ത്രിക്കാന്‍ ലക്ഷ്യമിട്ടാണ് നിരോധനം. പ്ലാസ്റ്റിക്ക് വിലക്ക് ലംഘിച്ചാല്‍ അയ്യായിരം രൂപ പിഴ ഇടാക്കും.
ശബ്ദമലിനീകരണം ചൂണ്ടിക്കാട്ടി കഴിഞ്ഞ ദിവസം അമര്‍നാഥ് ക്ഷേത്രത്തില്‍ ശിവലിംഗത്തിനു മുന്നില്‍ നിശ്ശബ്ദത പാലിക്കാന്‍ ദേശീയ ഹരിത ട്രൈബ്യൂണല്‍ നിര്‍ദേശം നല്‍കിയിരുന്നു.
