ന്യൂഡല്ഹി: 2022നുള്ളില് രാജ്യത്തെ പട്ടിണിയും അഴിമതിയും ഇല്ലാതാക്കുമെന്ന് നീതി ആയോഗ്. ന്യൂ ഇന്ത്യ എന്ന പദ്ധതിയിലൂടെ പട്ടിണി, അഴിമതി, തീവ്രവാദം, വര്ഗീയത എന്നിവ ഇല്ലാതാക്കുമെന്നാണ് നീതി ആയോഗ് അറിയിച്ചിരിക്കുന്നത്. ആസൂത്രണ കമീഷന് പകരമുള്ള സംവിധാനമാണ് നീതി ആയോഗ്.
ഗവര്ണര്മാരുടെ കോണ്ഫറന്സിലാണ് നീതി ആയോഗിന്റെ ഭാവി പദ്ധതികളെ കുറിച്ച് വൈസ് ചെയര്മാന് രാജീവ് കുമാര് സൂചിപ്പിച്ചത്. ലോകത്തിലെ മികച്ച് മൂന്ന് സമ്ബദ്വ്യവസ്ഥകളില് ഒന്നാകും ഇന്ത്യ. 2047 വരെ 8 ശതമാനം നിരക്കില് സമ്ബദ്വ്യവസ്ഥയില് വളര്ച്ചയുണ്ടാകുമെന്നും അദ്ദേഹം പറഞ്ഞു.
2019 ഓടെ പ്രധാന് മന്ത്രി ഗ്രാം സഡക് യോജന വഴി റോഡുകളുടെ നവീകരണം പൂര്ത്തിയാകുമെന്നൂം അതുവഴി ഗ്രാമങ്ങളെ തമ്മില് ബന്ധിപ്പിക്കാന് കഴിയുമെന്നും അദ്ദേഹം വ്യക്തമാക്കി.