ഡല്‍ഹി : കിഴക്കന്‍ ലഡാക്കിലെ ഇന്ത്യന്‍ പ്രദേശങ്ങളിലേക്കുള്ള ചൈനീസ് കടന്നുകയറ്റം തടയാന്‍ ഇന്ത്യ കൂടുതല്‍ സൈന്യത്തെ അതിര്‍ത്തിയില്‍ വിന്യസിച്ചു. ഗല്‍വാന്‍ സംഘര്‍ഷമുണ്ടാകുന്നതിനു മാസങ്ങള്‍ക്കു മുന്പുതന്നെ കൂടുതല്‍ സൈന്യത്തെ അതിര്‍ത്തിയിലെത്തിക്കുന്നതിനുള്ള നീക്കം ആരംഭിച്ചതായും വെളിപ്പെടുത്തലുണ്ടായി. 45,000 ത്തോളം സൈനികരെയാണ് ഈപ്രദേശത്ത് വിന്യസിച്ചത്. 24,000 വരെയായിരുന്നു ലഡാക്ക് അതിര്‍ത്തിയിലെ സൈനിക ബലം. ഇതിനു പുറമേ ഇന്തോ-ടിബറ്റന്‍ ബോര്‍ഡര്‍ പോലീസും അതിര്‍ത്തിയിലുണ്ട്.
അതേസമയം, 35,000 ത്തോളം സൈനികരെ ചൈന ഈ പ്രദേശത്ത് വിന്യസിച്ചിട്ടുള്ളതായി കരസേനാ ഉദ്യോഗസ്ഥന്‍ വെളിപ്പെടുത്തി.
