തിരുവനന്തപുരം: പുതുതായി രൂപം കൊണ്ട ന്യൂനമര്ദ്ദത്തിന്റെ ഫലമായുള്ള മഴ സംസ്ഥാനത്ത് പല ഭാഗങ്ങളിലായി തുടരുന്നു. അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം ഇന്നലെ മുന്നറിയിപ്പ് നല്കിയിരുന്നു. ഒപ്പം ജാഗ്രത നിര്ദ്ദേശവും പുറപ്പെടുവിച്ചിരുന്നു.
തെക്ക് പടിഞ്ഞാറന് ബംഗാള് ഉള്ക്കടലിലും ഇന്ത്യന് മഹാസമുദ്രത്തിന്റെ ഭൂമധ്യരേഖക്ക് അടുത്തായുമാണ് ന്യൂനമര്ദ്ദം ഉണ്ടായിരിക്കുന്നത്. അതിശക്തമായ മഴ നവംബര് 21ന് കേരളത്തില് ഉടനീളം ഉണ്ടാകുമെന്ന സൂചനയും കാലാവസ്ഥ നിരീക്ഷണ കേന്ദ്രം നല്കി. തുടര്ന്ന് ഇന്ന് ഇടുക്കി, പത്തനംതിട്ട, കോട്ടയം ജില്ലകളില് യെല്ലോ അലേര്ട്ട് പ്രഖ്യാപിച്ചു.