കാലിഫോര്ണിയ: കാലിഫോര്ണിയയില് വിവിധ പ്രദേശങ്ങളിലുണ്ടായ തീപിടിത്തത്തില് മരിച്ചവരുടെ എണ്ണം 44 ആയി. വടക്കന് കാലിഫോര്ണിയയില് 42 പേരും ദക്ഷിണ കലിഫോര്ണിയയില് രണ്ടു പേരും മരിച്ചു. ഇരുനൂറിലധികം പേരെ കാണാതായിട്ടുണ്ട്.
തീപിടിത്തത്തില് പാരഡൈസ് നഗരം കത്തിയമര്ന്നു. 1.17 ലക്ഷം ഏക്കര് ഭൂമിയാണ് കത്തി നശിച്ചത്. 6,453 വീടുകളെ തീ വിഴുങ്ങി. ദുരന്തത്തെ നേരിടാന് ട്രംപ് ഭരണകൂടത്തിന്റെ അടിയന്തര സഹായം ആവശ്യപ്പെട്ടിട്ടുണ്ടെന്ന് കാലിഫോര്ണിയ ഗവര്ണര് ജെറി ബ്രൗണ് പറഞ്ഞിരുന്നു.
അതേസമയം 14 പേരുടെ മൃതദേഹങ്ങള് കണ്ടെടുത്തിരുന്നു. മൃതദേഹങ്ങള് കത്തിക്കരിഞ്ഞ നിലയിലായതിനാല് തിരിച്ചറിയാന് ബുദ്ധിമുട്ടാണ്. ബന്ധുക്കളുടെ ഡി.എന്.എ സാമ്പിളുകള് ശേഖരിച്ച് മരിച്ചവരെ തിരിച്ചറിയാനുള്ള ശ്രമങ്ങളും അധികൃതര് ആലോചിക്കുന്നുണ്ട്.