തിരുവനന്തപുരം: ശബരിമല യുവതി പ്രവേശനത്തില്‍ പ്രതിഷേധിച്ച്‌ വ്യഴാഴ്ച്ച സംസ്ഥാന ഹര്‍ത്താലിന് ആഹ്വാനം. ശബരിമല കര്‍മ്മ സമിതിയുടെ നേതൃത്വത്തിലാണ് ഹര്‍ത്താലിന് ആഹ്വനം നല്‍കിയിരിക്കുന്നത്. രാവിലെ ആറു മുതല്‍ വൈകിട്ട് ആറു വരെയാണ് ഹര്‍ത്താല്‍.
ബിജെപി സംസ്ഥാന വ്യാപകമായി രണ്ടു ദിവസത്തെ പ്രതിഷേധത്തിനും ആഹ്വാനം നല്‍കിയിട്ടുണ്ട്. സംസ്ഥാന സര്‍ക്കാര്‍ ഭക്തരെ വഞ്ചിച്ചതായി ശബരിമല കര്‍മസമിതി നേതാവ് കെ. പി ശശികല പറഞ്ഞു. മുഖ്യമന്ത്രി രാജിവച്ച്‌ ഹൈന്ദവരോട് മാപ്പ് പറയണം. യുവതികളെ ഒളിച്ചു കടത്തിയ മുഖ്യമന്ത്രി ഭീരുവും വഞ്ചകനുമാണെന്ന് ശശികല പറഞ്ഞു.
