ശ്രീനഗര്: ചൊവ്വാഴ്ച ബിഎസ്എഫ് ക്യാമ്പിനു നേരെയുണ്ടായ ഭീകരാക്രമണം ലക്ഷ്യംവെച്ചത് ശ്രീനഗര് വിമാനത്താവളമെന്ന് റിപ്പോര്ട്ട്. സിആര്പിഎഫിന്റെയും ബിഎസ്എഫിന്റെയും സുരക്ഷയുള്ള ശ്രീനഗര് വിമാനത്താവളത്തില് കടക്കുന്നതിനുള്ള ശ്രമം പരാജയപ്പെട്ടതിനെ തുടര്ന്നാണ് ഭീകരുടെ സംഘം ബിഎസ്എഫ് കേന്ദ്രം ആക്രമിച്ചതെന്നാണ് ഔദ്യോഗിക വൃത്തങ്ങള് വ്യക്തമാക്കിയിരിക്കുന്നത്.
ആക്രമണത്തില് രണ്ട് സൈനികര് കൊല്ലപ്പെടുകയും മൂന്ന് ഭീകരരെ സൈന്യം വധിക്കുകയും ചെയ്തിരുന്നു. സിആര്പിഎഫ് സൈനികരുടെ യൂണിഫോം ധരിച്ചാണ് ഭീകരര് ആക്രമണത്തിനെത്തിയതെന്നാണ് സൂചന. ജെയ്ഷെ മുഹമ്മദിന്റെ അഫ്സല് ഗുരു സ്ക്വാഡ് എന്ന വിഭാഗമാണ് ആക്രമണത്തിനു പിന്നിലുള്ളതെന്ന് തിരിച്ചറിഞ്ഞിട്ടുണ്ട്.
സിആര്പിഎഫ് സുരക്ഷയൊരുക്കുന്ന ശ്രീനഗര് വിമാനത്താവളം കശ്മീരിലെ അതീവ സുരക്ഷാ മേഖലകളില് ഒന്നാണ്. അതീവ സുരക്ഷാ മേഖലയില് ആക്രമണം നടത്തി അന്താരാഷ്ട്ര ശ്രദ്ധ നേടുന്നതിനും വിമാനത്താവളത്തിന് ഒരുക്കിയിട്ടുള്ള സുരക്ഷാ കവചം ഇല്ലാതാക്കുന്നതിനും വേണ്ടിയാണ് സമീപത്തെ ബിഎസ്എഫ് ക്യാമ്പ് ആക്രമിച്ചതെന്നാണ് ഇന്റലിജന്സ് ഏജന്സികള് പറയുന്നത്.