മീററ്റ്: പ്രധാനമന്ത്രി നരേന്ദ്ര മോദിയുടെ പേരില് ക്ഷേത്രം നിര്മ്മിക്കുന്നു. മീററ്റിലെ സര്ദാനയിലാണ് പ്രധാനമന്ത്രിയുടെ അനുയായിയും കടുത്ത ആരാധകനുമായ ജെ പി സിങ് ക്ഷേത്രം നിര്മ്മിക്കാനൊരുങ്ങുന്നത്.
ക്ഷേത്രത്തിന്റെ തറക്കല്ലിടല് ചടങ്ങ് ഈ മാസം 23ന് നടക്കുമെന്നും രണ്ടു വര്ഷത്തിനുള്ളില് ക്ഷേത്ര നിര്മാണം പൂര്ത്തിയാക്കുമെന്നും സിങ് പത്രസമ്മേളനത്തില് പറഞ്ഞു. ജലസേചന വകുപ്പില് നിന്ന് അസിസ്റ്റന്റ് എന്ജിനീയറായി വിരമിച്ച അദ്ദേഹം ഇതിനായി അഞ്ച് ഏക്കര് ഭൂമി വാങ്ങിയിട്ടുണ്ട്. ക്ഷേത്രത്തിന് പുറമെ 100 അടി ഉയരത്തിലുള്ള പ്രതിമ സ്ഥാപിക്കാനും പദ്ധതിയുണ്ട്.
പത്തു കോടി രൂപയാണ് ക്ഷേത്ര നിര്മാണത്തിന് ചെലവു പ്രതീക്ഷിക്കുന്നത്. 2015 ഫെബ്രുവരിയില് മോദിയെ പ്രതിഷ്ഠയാക്കി നിര്മിച്ച ക്ഷേത്രം ഗുജറാത്തിലെ രാജ്കോട്ടില് ഭക്തര്ക്കായി തുറന്നുനല്കിയിരുന്നു.