ശ്രീനഗര്: ഇന്ത്യന് സൈന്യം പാക് വിമാനം വെടിവെച്ചിട്ടതായി റിപ്പോര്ട്ട്. അതിര്ത്തി ലംഘിച്ച എഫ്16 വിമാനമാണ് ഇന്ത്യന് വ്യോമസേന വെടിവെച്ചിട്ടത് എന്ന് വാര്ത്താ ഏജന്സിയായ എ.എന്.ഐ റിപ്പോര്ട്ട് ചെയ്തു.
ജമ്മു കശ്മീരിലെ രജൗറി ജില്ലയില് നൗഷേറ സെക്ടറിന്റെ പരിധിയിലേക്കാണ് പാക്ക് കടന്നുകയറ്റമുണ്ടായത്. ഇതിനിടെ രജൗറിയില് ആര്മി ക്യാംപിനു സമീപം ബോംബ് വര്ഷിച്ചതായി എഎന്ഐ റിപ്പോര്ട്ട് ചെയ്തു. വന്കുഴികള് രൂപപ്പെട്ടു, ചിത്രങ്ങള് എ.എന്.ഐ പുറത്തുവിട്ടു, ആളപായമുള്ളതായി റിപ്പോര്ട്ടില്ല.
അതേസമയം, ലേ, ജമ്മു, ശ്രീനഗര്, പഠാന്കോട്ട് വിമാനത്താവളങ്ങളില് അതീവജാഗ്രത പുറപ്പെടുവിച്ചു. സുരക്ഷ കാരണങ്ങളാല് ഈ വിമാനത്താവളങ്ങളില് നിന്നുള്ള സര്വീസുകള് താല്ക്കാലികമായി നിര്ത്തിവച്ചു. യാത്രാവിമാനങ്ങള് അടക്കമുള്ളവ ഇവിടെ തടഞ്ഞിരിക്കുകയാണ്. ഇവിടങ്ങള് വ്യോമനിരോധന മേഖലയായി അനിശ്ചിതകാലത്തേക്ക് പ്രഖ്യാപിച്ചു. ഇന്ത്യന് വ്യോമസേന വിമാനങ്ങള്ക്ക് സുഗമമായി നീക്കം നടത്താനാണെന്നാണു വിശദീകരണം.
പുല്വാമ ഭീകരാക്രമണത്തിനു മറുപടിയായി ഇന്ത്യ തിരിച്ചടിച്ചതിനു പിന്നാലെ അതിര്ത്തിയില് പാക്കിസ്ഥാന് പ്രകോപനം തുടര്ന്നിരുന്നു. പുലര്ച്ചെ നടന്ന ഏറ്റുമുട്ടലില് രണ്ടു ഭീകരരെ സേന വധിക്കുകയും ചെയ്തു. പാക്ക് ഭീകരകേന്ദ്രം ആക്രമിച്ചതോടെ അതിര്ത്തിയില് ഇന്ത്യ സുരക്ഷ ശക്തമാക്കിയിരുന്നു. തിരിച്ചടിക്കുമെന്ന് പാക്കിസ്ഥാന് ഇന്നലെ വ്യക്തമാക്കിയിരുന്നു.