ഏറ്റവും പുതിയ മോഡലായ ആസ്റ്റര്‍ പുറത്തിറക്കുന്ന തീയതി പ്രഖ്യാപിച്ച്‌ ചൈനീസ് വാഹന നിര്‍മ്മാതാക്കളായ എംജി മോട്ടോഴ്‌സ്. സെപ്റ്റംബര് 15ന് വാഹനത്തെ കമ്ബനി ഔദ്യോഗികമായി അവതരിപ്പിക്കും എന്ന് റിപ്പോര്‍ട്ടുകള്‍ ഉണ്ട്.
ഇവി മോഡലായ ഇസഡ്എസിന്‍റെ പെട്രോള്‍ പവര്‍ പതിപ്പാണ് ആസ്റ്റര്‍. ഹെക്ടറിന് താഴെയായിട്ടായിരിക്കും എം.ജി ഇന്ത്യന്‍ നിരയില്‍ ആസ്റ്റര്‍ സ്ഥാനം പിടിക്കുക. 4.3 മീറ്റര്‍ നീളമുള്ള ആസ്റ്റര്‍, ഹെക്ടറിനേക്കാള്‍ (4.6 മീറ്റര്‍ ദൈര്‍ഘ്യം) വലുപ്പത്തില്‍ ചെറുതായിരിക്കും. നിലവിലെ സെഗ്‌മെന്‍റ് ലീഡറായ ഹ്യുണ്ടായ് ക്രെറ്റയായിരിക്കും ആസ്റ്ററിെന്‍റ പ്രധാന എതിരാളി. ഇവി മോഡലിനെ അപേക്ഷിച്ച്‌ നിരവധി ഡിസൈന്‍ മാറ്റങ്ങളും വാഹനത്തിന് ഉണ്ടാകും.
നിരവധി അത്യാധുനിക ഫീച്ചറുകളുടെ അകമ്ബടിയോടെയാകും വാഹനം എത്തുക എന്നാണ് റിപ്പോര്‍ട്ടുകള്‍. ആസ്റ്ററില്‍ പേഴ്‌സണല്‍ ആര്‍ട്ടിഫിഷല്‍ ഇന്റലിജെന്‍സ് അസിസ്റ്റന്റ് സംവിധാനം ഉണ്ടായിരിക്കുമെന്ന് എം.ജി നേരത്തേ പറഞ്ഞിരുന്നു. വാഹനത്തിനുള്ളില്‍ ഒരു റോബോട്ട് ഉള്ളതിന് സമാനമാണെന്ന് ഇത്. ഇന്ത്യന്‍ വാഹന വിപണിയില്‍ ഇത് തികച്ചും പുതുമയാണെന്നും തനിച്ച്‌ വാഹനം ഓടിക്കുമ്ബോള്‍ ഇത് വേറിട്ടൊരു അനുഭവമാകും നല്‍കുക എന്നുമാണ് റിപ്പോര്‍ട്ടുകള്‍ ഉണ്ട്.
