ന്യൂഡല്ഹി: വധശിക്ഷയ്ക്കു വിധിക്കപ്പെട്ടു പാക്കിസ്ഥാന് ജയിലില് കഴിയുന്ന കുല്ഭൂഷന് ജാദവിനെ സന്ദര്ശിക്കാനെത്തിയ അമ്മയെയും ഭാര്യയെയും അപമാനിച്ചെന്ന ആരോപണത്തില് വിശദീകരണവുമായി പാക്കിസ്ഥാന്. ജാദവിന്റെ ഭാര്യ ചേതന കൗളിന്റെ ഷൂ ഊരിവാങ്ങിയത് സുരക്ഷാ പ്രശ്നങ്ങള് മുന്നിര്ത്തിയാണ്. ചെരിപ്പിനുള്ളില് സംശയകരമായി എന്തോ ഉണ്ടായിരുന്നെന്നും വിശദ പരിശോധനയ്ക്ക് അയച്ചതിനാലാണ് ചെരിപ്പ് തിരികെ നല്കാതിരുന്നതെന്നും വിദേശകാര്യ ഓഫീസ് വക്താവ് ഡോ. മുഹമ്മദ് ഫൈസല് വ്യക്തമാക്കി. ഊരിവാങ്ങിയ ചെരിപ്പിനു പകരം മറ്റൊരു ചെരിപ്പ് അവര്ക്ക് ഉപയോഗിക്കാന് നല്കി. പരിശോധനയ്ക്കായി ഊരിവാങ്ങിയ ആഭരണങ്ങള് അവര്ക്ക് തിരികെ നല്കുകയും ചെയ്തു. […]
