തിരുവനന്തപുരം: മട്ടന്നൂര് യൂത്ത് കോണ്ഗ്രസ് ബ്ലോക്ക് സെക്രട്ടറി ഷുഹൈബിന്റെ കൊലപാതകത്തില് സിബിഐ അന്വേഷണമില്ലെന്ന് മുഖ്യമന്ത്രി പിണറായി വിജയന്. കൊലപാതകത്തില് ബാക്കിയുള്ള പ്രതികളെ ഒരാഴ്ചയ്ക്കകം പിടികൂടും.
നിലവില് നടക്കുന്ന പൊലീസ് അന്വേഷണം കുറ്റമറ്റതാണ്. കുറ്റവാളികള്ക്കെതിരെ മുഖം നോക്കാതെ നടപടിയെടുക്കും. പിടിയിലുള്ളത് ഡമ്മി പ്രതികളാണെന്ന വാദം അടിസ്ഥാനരഹിതമാണ്. നീതി പൂര്വമായ അന്വേഷണമാണ് നടക്കുന്നതെന്നും മുഖ്യമന്ത്രി പറഞ്ഞു.
സിബിഐ അന്വേഷണം വേണമെന്നായിരുന്നു പ്രതിപക്ഷത്തിന്റെ ആവശ്യം. ഷുഹൈബ് വധം ചര്ച്ചചെയ്യണമെന്നാവശ്യപ്പെട്ട് കോണ്ഗ്രസ് നല്കിയ അടിയന്തരപ്രമേയ നോട്ടിസിനു മറുപടി നല്കുകയായിരുന്നു അദ്ദേഹം. സണ്ണി ജോസഫ് എംഎല്എയാണ് അടിയന്തര പ്രമേയത്തിനു നോട്ടിസ് നല്കിയത്.
