ബിജു മേനോനെ നായകനാക്കി നവാഗതനായ വിനു ജോസഫ് സംവിധാനം ചെയ്യുന്ന ചിത്രമാണ് ‘റോസാപ്പൂ’ നീരജ് മാധവും ശ്രദ്ധേയമായ വേഷം കൈകാര്യം ചെയ്യുന്ന ചിത്രത്തിന്‍റെ കിടിലന്‍ ടീസര്‍ പുറത്തെത്തി.
തമിഴ്നടി അഞ്ജലി, കന്നടതാരം ശില്‍പ്പ എന്നിവരാണ് ചിത്രത്തിലെ നായികമാര്‍. സൌബിന്‍ ഷാഹിര്‍, ദിലീഷ് പോത്തന്‍ സലീം കുമാര്‍, അലന്‍സിയര്‍, വിജയരാഘവന്‍ തുടങ്ങിയവരും പ്രധാന വേഷങ്ങളിലെത്തുന്നു.
എ.ബി .സി.ഡി എന്ന ചിത്രത്തിനുശേഷം തമീന്‍സ് ഫിലിംസിന്‍റെ ബാനറില്‍ ഷിബു തമീന്‍സ് നിര്‍മ്മിക്കുന്ന ചിത്രമാണ് റോസാപ്പൂ. സന്തോഷ്‌ ഏച്ചിക്കാനം ആണ് സംഭാഷണം. മുഴുനീള എന്‍റര്‍ടെയ്നെര്‍ ആയി ഒരുക്കിയിരിക്കുന്ന ചിത്രം പ്രേക്ഷകരെ ഒന്നടങ്കം പൊട്ടിച്ചിരിപ്പിക്കുമെന്നതില്‍ സംശയമില്ല. ചിത്രം ക്രിസ്തുമസിന് തിയേറ്ററുകളില്‍ എത്തും.
