സ്മാര്‍ട്ട്‌ഫോണുകളിലെ പുതിയ പവര്‍ പ്രോസിസ്സിങ്ങും അതിവേഗ ചാര്‍ജിംഗ് ടെക്നോളജികളുമെല്ലാം കാരണം ഫോണില്‍ അതിതാപനം ഉണ്ടാകാന്‍ വളരെയേറെ സാധ്യതയുണ്ട്. ഫോണിന് അതിതാപനം ഉണ്ടാകാതിരിക്കാന്‍ ഇത്തിരി കാര്യങ്ങള്‍ ശ്രദ്ധിക്കാം.
- ഫോണിന്‍റെ കേസ് ഊരി മാറ്റാം
കവര്‍ കേസിന്‍റെ ഉള്ളില്‍ ഇരിക്കുന്ന സ്മാര്‍ട്ട്‌ഫോണ്‍ പെട്ടെന്ന് ചൂടാകും. ഇത് ഊരി മാറ്റിയാല്‍ ഒരു പരിധി വരെ ചൂടിനെ ചെറുക്കാം.
- കട്ടിയുള്ള സര്‍ഫസില്‍ വെച്ച് ചാര്‍ജ് ചെയ്യാം
ഫോണ്‍ ചാര്‍ജ് ചെയുമ്പോള്‍ ചൂട് എളുപ്പം ആഗിരണം ചെയ്യുന്ന ബെഡ്, സോഫ തുടങ്ങിയവയില്‍ വയ്ക്കാതെ ഒരു കട്ടിയുള്ള ഉപരിതലത്തില്‍ വെച്ച് ചാര്‍ജ് ചെയുക.
- രാത്രിമുഴുവനും ചാര്‍ജിംഗ് വേണ്ട
രാത്രി ഫോണ്‍ ചാര്‍ജ് ചെയാന്‍ കുത്തിയിട്ട് ഉറങ്ങാന്‍ പോകുന്നവരുണ്ട്. ഇത് ബാറ്ററിയ്ക്കും ഫോണിനും വളരെ കേടാണ്. ഓവര്‍ ചാര്‍ജിംഗ് കാരണം ബാറ്ററി കത്തിപോയ സംഭവങ്ങള്‍ ധാരാളമുണ്ട്.
- ചില ആപ്പുകള്‍ പണി തരും
വളരെയധികം പ്രോസിസ്സിങ്ങ് പവറും ഗ്രാഫിക്സും ഉപയോഗിക്കുന്ന ആപ്പുകള്‍ ഉണ്ട്. ഇങ്ങനെയുള്ള ആപ്പുകളും അതിതാപനം ഉണ്ടാക്കുന്നുണ്ട്. ഈ ആപ്പുകള്‍ ഉപയോഗിക്കാതിരിക്കുക.
- നേരിട്ടുള്ള സൂര്യപ്രകാശം കൊള്ളിക്കാതിരിക്കുക
ഫോണിനെ നേരിട്ടുള്ള സൂര്യപ്രകാശത്തില്‍ നിന്ന് സംരക്ഷിക്കുക. ഫോണിന്‍റെ പ്രോസിസ്സിങ്ങ് പവറും അതോടൊപ്പം സൂര്യപ്രകാശവും ചേര്‍ന്നാല്‍ പെട്ടെന്നു തന്നെ ഫോണ്‍ ചൂടാവും.
- മറ്റു ചാര്‍ജെഴ്സും ബാറ്ററീസും ഉപയോഗിക്കരുത്
മറ്റു ഫോണുകളുടെ ബാറ്ററികളും ചാര്‍ജറുകളും ഉപയോഗിക്കുന്നതുകൊണ്ടും ഫോണ്‍ അമിതമായി ചൂടാകാം. ഇവ വ്യത്യസ്ത വാട്ടുകളിലുള്ള ചാര്‍ജറുകളായിരിക്കും
