ലണ്ടന് : ഈ വര്ഷത്തെ മാന് ബുക്കര് പുരസ്കാരം അമേരിക്കന് എഴുത്തുകാരനായ ജോര്ജ് സൗണ്ടേഴ്സിന്. അദ്ദേഹത്തിന്റെ ‘ലിങ്കണ് ഇന് ദ ബാര്ഡോ’ എന്ന കൃതിക്കാണ് പുരസ്കാരം ലഭിച്ചത് . മാന് ബുക്കര് പുരസ്കാരം ലഭിക്കുന്ന രണ്ടാമത്തെ അമേരിക്കക്കാരനാണ് സൗണ്ടേഴ്സ്. 66,000 യു.എസ് ഡോളറാണ് സമ്മാനത്തുകയായി ലഭിക്കുക.
1862ല് യു എസ് പ്രസിഡന്റായിരുന്ന എബ്രഹാം ലിങ്കണ് വാഷിംഗ്ടണിലെ സെമിത്തേരിയില് തന്റെ മകനെ സന്ദര്ശിച്ച സംഭവത്തെ ആസ്പദമാക്കിയാണ് ‘ലിങ്കണ് ഇന് ദ ബാര്ഡോ’ രചിച്ചിരിക്കുന്നത്. പതിനൊന്നാം വയസില് ടൈഫോയിഡ് ബാധിച്ചാണ് അദ്ദേഹത്തിന്റെ മകനായ വില്യം ലിങ്കണ് മരിച്ചത്.
ലിങ്കണിന്റെ ജീവിതവും അമേരിക്കയിലെ സിവില് യുദ്ധവുമാണ് പുസ്തകത്തില് പ്രമേയമാകുന്നത്. വാസ്തവത്തോട് ചേര്ന്നു നില്ക്കുന്നതാണ് നോവലിലെ പ്രതിപാദ്യമെന്ന് വിധി കര്ത്താക്കള് അഭിപ്രായപ്പെട്ടു.