മുംബൈ: മഹാരാഷ്ട്രയിലെ റായ്ഗഡില് ബസ് കൊക്കയിലേക്ക് മറിഞ്ഞ് 32 പേര് മരിച്ചു. റായ്ഗഡ്-സത്താറ ജില്ലകളുടെ അതിര്ത്തിയിലാണ് സംഭവം. ഡാപോളി കാര്ഷിക സര്വകലാശാലയില് നിന്നും മഹാബലേശ്വറിലേക്ക് അവധി ആഘോഷിക്കാന് പോയ സംഘമാണ് അപകടത്തില്പെട്ടത്.
ശനിയാഴ്ച ഉച്ചയോടെയായിരുന്നു സംഭവം. 33 ജീവനക്കാര് ബസിലുണ്ടായിരുന്നതായാണ് പ്രാഥമിക വിവരം. 500 അടി താഴ്ച്ചയിലേക്കാണ് ബസ് മറിഞ്ഞത്. അപകടത്തില്നിന്ന് ഒരാള് അത്ഭുതകരമായി രക്ഷപ്പെട്ടതായും ഇയാളാണ് അപകടവിവരം പുറം ലോകത്തെ അറിയിച്ചതെന്നും അധികൃതര് പറഞ്ഞു.
വനയോര മേഖലയിലാണ് അപകടമുണ്ടായത്. ദേശീയ ദുരന്ത നിവാരണ സേനയും പോലീസും സംയുക്തമായാണ് രക്ഷാപ്രവര്ത്തനങ്ങള് നടത്തിയത്. കൂടുതല് വിവരങ്ങള് അറിവായിട്ടില്ല.
