അനിയത്തിപ്രാവിലൂടെ മലയാളികളുടെ മനസ്സില് കുടിയേറിയ നടനാണ് കുഞ്ചാക്കോ ബോബന്. സിനിമകളില് ചാക്കോച്ചന്റെ ഡാന്സ് കണ്ടിട്ട് കാലം കുറച്ചായെങ്കിലും ഇപ്പോഴിതാ കുട്ടനാടന് മാര്പാപ്പയെന്ന പുതിയ ചിത്രത്തില് താരം ഡാന്സ് ചെയ്യുന്ന ഗാനം അണിയറക്കാര് പുറത്ത് വിട്ടിരിക്കുകയാണ്. സാ രി ഗാ മാ എന്ന ഗാനത്തിന്റെ 30 സെക്കന്റ് മാത്രമുള്ള വീഡിയോ ആണ് യൂട്യൂബിലൂടെ പുറത്തുവിട്ടത്.
ശ്രീജിത്ത് വിജയന് സംവിധാനം ചെയ്യുന്ന കുട്ടനാടന് മാര്പാപ്പ മുഴുനീള ഹാസ്യ സിനിമയാണ്. അതിഥി രവിയാണ് നായിക. ശാന്തി കൃഷ്ണ, അജു വര്ഗീസ്, സൗബിന് ഷാഹിര്, ഇന്നസന്റ്, രമേഷ് പിഷാരടി, ധര്മജന് ബോള്ഗാട്ടി, സലീം കുമാര്, ടിനി ടോം തുടങ്ങി വന് താരനിരതന്നെയുണ്ട് ചിത്രത്തില്.
രാഹുല് രാജിന്റെതാണ് സംഗീതം. ഹസീബ് ഹനീഫ്, നൗഷാദ് ആലത്തൂര്, അജി മെടയില് എന്നിവര് ചേര്ന്നാണ് ചിത്രം നിര്മിച്ചിരിക്കുന്നത്. അരവിന്ദ് കൃഷ്ണ ഛായാഗ്രഹണം നിര്വഹിച്ചിരിക്കുന്നു.