തിരുവനന്തപുരം: രാജ്യത്തെ മറ്റു സംസ്ഥാനങ്ങളെ അപേക്ഷിച്ച് കേരളം അഴിമതിരഹിത സംസ്ഥാനമാണെന്നും മികച്ച ക്രമസമാധാന നിലയാണുള്ളതെന്നും ഗവര്ണര് ജസ്റ്റിസ് പി സദാശിവം.
അതേസമയം ചില സംഘടനകള് ദേശീയതലത്തില് കേരളത്തെ അപമാനിക്കാന് ശ്രമിക്കുന്നുണ്ടെന്നും സംഘപരിവാറിനെ ഉന്നംവെച്ച് അദ്ദേഹം പറഞ്ഞു. നിയമസഭയുടെ ബജറ്റ് സമ്മേളനത്തിന് ആരംഭം കുറിച്ചുള്ള നയപ്രഖ്യാപന പ്രസംഗത്തിലാണ് ഗവര്ണര് ഇക്കാര്യം പറഞ്ഞത്.
ചില സംഘടനകള് കേരളത്തെ അപകീര്ത്തിപ്പെടുത്താനാണ് ശ്രമിച്ചത്. ക്രമസമാധാനനിലയെക്കുറിച്ച് ദേശീയതലത്തില് ഒരുമാസം നീണ്ട കുപ്രചരണം നടത്തി. സാമൂഹ്യവികസനത്തില് കേരളത്തിന്റെ നേട്ടങ്ങള് തമസ്കരിക്കാന് ശ്രമിച്ചുവെന്നും ഇതരസംസ്ഥാന തൊഴിലാളികള്ക്കിടയില് ആശങ്ക പരത്താനും ശ്രമം നടന്നുവെന്നും ഗവര്ണര് പറഞ്ഞു.രാവിലെ ഒമ്പതിനാണ് നയപ്രഖ്യാപനപ്രസംഗം തുടങ്ങിയത്.
ഫെബ്രുവരി രണ്ടിന് പിണറായി സമ്ബൂര്ണ ബജറ്റ് ധനമന്ത്രി തോമസ് ഐസക്ക് അവതരിപ്പിക്കുക.നയപ്രഖ്യാപന പ്രസംഗത്തിനുശേഷം ചെങ്ങന്നൂര് എം എല് എ കെ കെ രാമചന്ദ്രനും, മുന് മന്ത്രി ഇ ചന്ദ്രശേഖരന് നായര്ക്കും ആദരാഞ്ജലി അര്പ്പിച്ച് സഭ ഇന്നത്തേക്ക് പിരിയും.
