കണ്ണൂര്: ഇസ്ലാമിക് സ്റ്റേറ്റ് ബന്ധമുണ്ടെന്ന സംശയത്തില് കണ്ണൂരില് രണ്ടു പേര് കൂടി അറസ്റ്റില്. തലശേരി സ്വദേശികളായ ഹംസ, മനാഫ് എന്നിവരെയാണ് വളപട്ടണം പൊലീസ് അറസ്റ്റ് ചെയ്തത്. ഇതോടെ അറസ്റ്റിലായവരുടെ എണ്ണം അഞ്ചായി.
കഴിഞ്ഞ നാലുമാസമായി ഇവരുടെ പ്രവര്ത്തനങ്ങള് പൊലീസ് നിരീക്ഷിച്ചുവരികയായിരുന്നു. ഇരുവരും ഐഎസിലേക്ക് നിരവധി പേരെ റിക്രൂട്ട് ചെയ്തിട്ടുണ്ടെന്നും അവരെല്ലാം കണ്ണൂര്, കാസര്കോട് ജില്ലകളില് നിന്നുള്ളവരാണെന്നും പൊലീസ് അറിയിച്ചു.
കണ്ണൂര് ചക്കരക്കല് മുണ്ടേരി സ്വദേശികളായ മിഥിലാജ്, റാഷിദ്, ചെട്ടുകുളം സ്വദേശി അബ്ദുള് റസാഖ് എന്നിവരെ നേരത്തെ അറസ്റ്റ് ചെയ്തിരുന്നു. ഹംസയ്ക്ക് രാജ്യാന്തരതലത്തിലെ ഐഎസ് നേതൃത്വവുമായി ബന്ധമുണ്ടെന്നു വൃക്തമായതായി പോലീസ് പറഞ്ഞു. നിരോധിത ഭീകരസംഘടനയില് ചേര്ന്ന് രാജ്യത്തിനെതിരെ യുദ്ധം ചെയ്യാന് ശ്രമിച്ചതിന്റെ പേരിലാണ് ഇവര്ക്കെതിരെ കേസെടുത്തിരിക്കുന്നത്.