ലക്നൌ: ഹനുമാനെ ചൊല്ലിയുള്ള രാഷ്ട്രീയ വിവാദം വീണ്ടും മുറുകുന്നു. ഹനുമാന് ജാട്ട് സമുദായക്കാരനാണെന്ന് ഉത്തര്പ്രദേശ് മന്ത്രി ചൗധരി ലക്ഷ്മി നാരായണ്. ഹനുമാന് തന്റെ സമുദായക്കാരനാണ്. എല്ലാ പ്രശ്നങ്ങളിലും എടുത്തുചാടുന്ന ജാട്ടുകളെ പോലെയാണ് ഹനുമാനെന്നും മന്ത്രി പറഞ്ഞു.
ഹനുമാന് മുസ്ലീം ദൈവമാണെന്ന് ഉത്തര്പ്രദേശ് നിമയനിര്മാണ കൗണ്സില് അംഗവും (എംഎല്സി) ബിജെപി നേതാവുമായ ബുകാല് നവാബ് പറഞ്ഞതിനു പിന്നാലെയാണ് ചൗധരിയുടെ പ്രസ്താവന.
മുസ്ലീം പേരുകളോട് സാമ്യമുള്ളതാണ് ഹനുമാനെന്ന പേര്. അതിനാല് ഹനുമാന് മുസ്ലീം ആണെന്നാണ് ബുകാല് നവാബിന്റെ വാദം. ഹനുമാന് മുസ്ലീമാണെന്ന് താന് വിശ്വസിക്കുന്നു. ഇസ്ലാമിലെ ആളുകളുടെ പേരിനോട് സാമ്യമുള്ളതാണ് ഹനുമാനെന്ന പേര്. റഹ്മാന്, റംസാന്, ഫര്മാന്, സീഷാന്, ഖുര്ബാന് തുടങ്ങിയ പേരുകളോട് ഹനുമാന് എന്ന പേരിന് സാമ്യമുണ്ട്.
ഇത്തരം പേരുകള് ഇസ്ലാമില് മാത്രമാണുള്ളത്. ഇവ ഹനുമാനില്നിന്നാണ് ഉണ്ടായതെന്നും ബുകാല് നവാബ് വിശദീകരിച്ചു. ഹനുമാന് ദളിതനാണെന്ന ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന്റെ പ്രസ്താവനയ്ക്കു പിന്നാലെയാണ് വിവാദം ഉടലെടുത്തത്.