ചെന്നൈ: വാഹന പ്രേമികള്‍ക്ക് സന്തോഷവാര്‍ത്തയുമായി ഇരുചക്ര വാഹന നിര്‍മ്മാതാക്കളായ റോയല്‍ എന്‍ഫീല്‍ഡ്. ഈ സാമ്ബത്തിക വര്‍ഷത്തില്‍ നിരവധി പുതിയ മോഡല്‍ എന്‍ഫീല്‍ഡുകള്‍ വിപണിയില്‍ എത്തിക്കാനൊരുങ്ങുകയാണ് ചെന്നൈ ആസ്ഥാനമായുള്ള റോയല്‍ എന്‍ഫീല്‍ഡ്. പുതിയ മോഡല്‍ എന്‍ഫീല്‍ഡുകള്‍ വിപണിയില്‍ എത്തുന്നതോടെ പ്രീമിയം മോട്ടോര്‍ സൈക്കിള്‍ ശ്രേണിയില്‍ ആധിപത്യം നിലനിര്‍ത്തുകയാണ് കമ്ബനിയുടെ ലക്ഷ്യം.
ഓരോ പാദത്തിലും ഒരു പുതിയ മോഡല്‍ അവതരിപ്പിക്കുമെന്ന് നിര്‍മ്മാതാവ് വ്യക്തമാക്കി. ഇന്ത്യയിലെ വാഹന വ്യവസായം നിലവില്‍ നേരിടുന്ന എല്ലാ പ്രയാസങ്ങളും ഉണ്ടായിട്ടും, റോയല്‍ എന്‍ഫീല്‍ഡ് ഈ തന്ത്രം പിന്തുടരാന്‍ ലക്ഷ്യമിടുന്നുവെന്നും കമ്ബനി അറിയിച്ചു.
അതേസമയം, പുതിയ മോഡല്‍ വിപണിയില്‍ എത്തിക്കുന്നതില്‍ കാലതാമസം എടുത്താലും അവതരണങ്ങളില്‍ നിന്ന് പിന്നോട്ട് പോകില്ലെന്നും റിപ്പോര്‍ട്ടില്‍ പറയുന്നു. കമ്ബനി ആദ്യം ആസൂത്രണം ചെയ്ത എല്ലാ പുതിയ ലോഞ്ചുകളില്‍ നിന്ന് മാറാന്‍ കഴിഞ്ഞെങ്കിലും, വളരെ വലിയ മോഡലുകള്‍ ഉടന്‍ വില്പനക്കെത്തുമെന്നാണ് റോയല്‍ എന്‍ഫീല്‍ഡ് സിഇഒ വിനോദ് ദാസരി വ്യക്തമാക്കിയത്.
