ന്യൂഡല്ഹി: കോവിഡിന്റെ രണ്ടാം തരംഗം രാജ്യത്ത് രൂക്ഷമാവുന്നു. കഴിഞ്ഞ 24 മണിക്കൂറിനിടെ 47,262 പേര്ക്കാണ് രോഗബാധ സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 1,17,34,058 ആയി ഉയര്ന്നു.
3,68,457 പേരാണ് നിലവില് കോവിഡ് ബാധിച്ച് ചികിത്സയിലുള്ളത്. 1,12,05,160 പേര് രോഗമുക്തരായി. കഴിഞ്ഞ ദിവസം മാത്രം 275 പേരാണ് രോഗം ബാധിച്ച് മരിച്ചത്. ഇതോടെ കോവിഡ് ബാധിച്ച് മരിച്ചവരുടെ എണ്ണം 1,60,441 ആയി ഉയര്ന്നു. രോഗികളുടെ എണ്ണം ഉയര്ന്നതോടെ പല നഗരങ്ങളും നിയന്ത്രണങ്ങളിലേക്ക് പോവുകയാണ്. ഹോളി ആഘോഷങ്ങള് കൂടി നടക്കാനിരിക്കെ കര്ശന നിയന്ത്രണത്തിലേക്കാണ് രാജ്യം നീങ്ങുന്നത്.
അതേസമയം, സംസ്ഥാനങ്ങളില് പൂര്ണമായും ലോക്ഡൗണ് ഏര്പ്പെടുത്തേണ്ട സാഹചര്യം നിലവിലില്ലെന്ന് കേന്ദ്രസര്ക്കാര് വ്യക്തമാക്കി. ജില്ലാതലങ്ങളിലായിരിക്കും ലോക്ഡൗണ് ഏര്പ്പെടുത്തുക. സംസ്ഥാനന്തര യാത്രകള്ക്ക് നിയന്ത്രണമില്ലെന്നും കേന്ദ്രസര്ക്കാര് വ്യക്തമാക്കി.