തിരുവനന്തപുരം : കൊറോണ വൈറസുമായി ബന്ധപ്പെട്ട് വ്യാജവാര്ത്തകള് പ്രചരിപ്പിക്കുന്നവര്ക്കെതിരെ കര്ശന നടപടി സ്വീകരിക്കുമെന്ന് പൊലീസ് അറിയിച്ചു . വൈറസുമായി ബന്ധപ്പെട്ട് നിരവധി വ്യാജവാര്ത്തകള് സാമൂഹിക മാധ്യമങ്ങള് വഴി പ്രചരിക്കുന്നതായി ശ്രദ്ധയില്പ്പെട്ടിട്ടുണ്ടെന്ന് പൊലീസ് പറഞ്ഞു.
അതേസമയം , കൊറോണ ബാധ സ്ഥിരീകരിച്ച വിദ്യാര്ത്ഥിനിയെ തൃശൂര് ജനറല് ആശുപത്രിയില് നിന്ന് തൃശൂര് മെഡിക്കല് കോളജ് ആശുപത്രിയിലേക്ക് മാറ്റി. മെഡിക്കല് കോളജ് ആശുപത്രിയിലെ ഐസൊലേഷന് വാര്ഡിലേക്കാണ് മാറ്റിയിരിക്കുന്നത് . നിലവില് വിദ്യാര്ത്ഥിനിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു . സംസ്ഥാനത്ത് കൊറോണ സ്ഥിരീകരിച്ച സാഹചര്യത്തില് ആരോഗ്യവകുപ്പ് ജാഗ്രതാ നിര്ദേശം പുറപ്പെടുവിച്ചിട്ടുണ്ട്. കൊറോണ ബാധയുമായി ബന്ധപ്പെട്ട് കേരളത്തില് 1053 പേരാണ് നിരീക്ഷണത്തിലുള്ളത്.