മായ എന്ന സൂപ്പര്‍ഹിറ്റ് തമിഴ് ചിത്രത്തിനുശേഷം വീണ്ടുമൊരു ഹൊറര്‍ ചിത്രവുമായി തമിഴകത്തിന്റെ ലേഡി സൂപ്പര്‍സ്റ്റാര്‍ എത്തുന്നു. ‘ഐറ’ എന്ന സിനിമയിലാണ് നയന്‍താര നായികയാകുന്നത്. സര്‍ജുന്‍ ആണ് ചിത്രം സംവിധാനം ചെയ്യുന്നത്. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തിറക്കി. ഐറയില്‍ ഇരട്ടവേഷത്തിലാണ് നയന്‍താര അഭിനയിക്കുന്നുവെന്ന പ്രത്യേകതയുമുണ്ട്. ഇതാദ്യമായാണ് നയന്‍താര ഇരട്ടവേഷത്തിലെത്തുന്നത്. ഒരു ഹൊറര്‍ ചിത്രമായിട്ടാണ് ഐറ ഒരുക്കുന്നത്. അതേസമയം അജിത് നായകനാകുന്ന വിശ്വാസത്തിലും നായിക നയന്‍താരയാണ്. ശിവകാര്‍ത്തികേയനെ നായകനാക്കി രാജേഷ് സംവിധാനം ചെയ്യുന്ന ചിത്രത്തിലും നയന്‍താരയാണ് നായിക.
